車仔麵

尋晚放工先去泰昌買 d 甜點   買咗砵仔糕 + 桂花杞子糕 + 芝麻糕  ($13 / 3件   1 件 $5)   之後就 join 埋里奧大人去探奶奶   上車咩都唔講   即刻食嘢   除咗砵仔糕麻麻地之外   其餘有驚喜喎   味道唔錯   又唔係好甜   啱哂我 

去到醫院就同奶奶按摩手指   按完之後就要里奧大人幫我按摩腰骨   因為坐得太耐腰骨痛呀

唔知點解   我個袋日日都咁重   我已經袋小好多嘢架喇   不過都係咁重   但我又覺得個袋重重地先有安全感   咁先 feel 到自己真係拎住個袋嘛   發神經啊 

依排聽得 blog 友 卡菇   講佢成日話食車仔麵   日日食咁款   講到我都好想食   所以就同里奧大人去食車仔麵喇 


   

      

今朝火都黎埋   因為地陷關係   所以所有巴士都要改路   我 8 : 07am 上巴士   但 8 : 40am 仍在大埔   兜黎兜去咁   真係好掹

9 : 20am 終於番到公司啦   一心諗住一路嘆早餐一路嘆雜誌   點知要買燒賣粉果 + 奶茶 ($17) 番公司食   咩心情都無哂喇 

lunch 無啦啦落過雲雨   我同里奧大人又無帶遮   所以被迫去麥記   因為其他地方要等位啊   最搞嘢係里奧大人同事又係食麥記   咁所以又要被迫同佢坐   邪呀  

發