尋日番到屋企熨埋衫又已經 兩點幾 係時候出動食 tea 喇
由於奧運關係 對住電視機嘅卡位都 full 哂 無緊要啦 一路食一路睇一路等囉 好彩最後我都坐到對住電視位 仲睇到郭晶晶添 真係好難得 因為我好想睇呢
見到國家隊衛冕金牌 覺得佢地付出好大努力 終於有成績 好令人感動呀
食完又要行下 所以去街市買 3 條細節瓜 ($5) + 蔥 ($2) 然後再去買 Scanncer 因為有 discount
我今次有意外收鑊 就係里奧大人送部好似 CANON 80IS 比我呀 因為今次其一係抵 (有 95 折同埋加大到 4g 卡) 其二係里奧大人話觀察過我 話見我咩都影 好似好認真咁玩 所以買比我喎 不過就要星期四先有貨囉 唔緊要啦 等都無所謂嘅 今次真係好多謝里奧大人呀
是日晚餐 - 薑蔥鯇魚 + 節瓜江瑤柱排骨湯飯
薑蔥鯇魚 - 今次記得放大量薑 所以覺得唔腥
節瓜江瑤柱排骨湯飯 - 因為煮得 1 碗飯 但又想里奧大人食哂 d 節瓜 所以扮湯飯 咁佢先肯食哂 唔係又嘥咗 d 瓜架喇 都唔明煮埋比你食都嫌 3 嫌 4 呢 煮飯好辛苦架 你知嘛 會諗到頭都爆架
無得睇獎門人 所以唔駛咁急洗碗 又可以早 d 做 mask 呢
不過 10 點 3 做 basketball (中國對美國) 做到 11 點幾 又要 12 點先瞓覺呀
今朝好眼瞓 又毛毛雨 勁 down
咁早餐就食豐富 d 啦 食沙爹牛肉蛋公仔麵 + 咖啡 ($19) 食完頂到上心口
番到菇場又忙 星期一忙真係好辛苦呢
晏晝又落毛毛雨 所以同里奧大人食咖哩豬扒飯 + 春卷 + 蒜蓉包 + 涷華田 ($46) 又係飽到上心口呢
發
沒有留言:
發佈留言