咖哩薯仔雞翼魚蛋 + 印度薄餅 + 徑步

依家多數星期六番教會   本來星期日可以盡情瞓   但可惜體育會係 1 點 close   所以一定教鬧鐘 10 點 15分起身食早餐   之後抖個幾鐘就去徑步 lu ~ 

唉   尋日整一大鍋咖哩   之前整咖哩試過 "痴" 底同煮燶咗   所以今次煮嘅時候就不斷咁搞   加上又用錯力拎起鍋咖哩   所以對手腕超痛   真係痛到痛不欲生咁架   絕無誇張 ~ 

晏晝同里奧大人去食 tea   今次我食秋刀魚餐 $25 ( 2 條秋刀魚 + 1 碗飯 + 1 飲品 )   個辣汁真係超正   下次會再為個汁而叫秋刀魚餐呢 ~ 

是日懶餐 - 咖哩薯仔雞翼魚蛋 + 印度薄餅

咖哩薯仔雞翼魚蛋 - 用大罐嘅楊協成咖哩醬   但唔知點解唔覺辣   之得加指天椒啦   我估會惹味好多呢 ~ 

印度薄餅 - 喺 Jusco 買嘅印度薄餅   自己無睇到包裝寫乜   就懶醒走去解凍   點知原來唔駛解凍   解凍咗嘅薄餅超難拻出黎   "痴" 住哂   整出黎個樣超肉酸   其實真係好方便整   唔駛解凍   唔駛落油   但一路食一路覺得好漏囉 ~