煎蘿蔔糕 + 蒸小籠包 + 什菜 ( 2-FEB-2022 )

( 2-FEB-2022  WED )

今朝 9 點左右自然醒   之後等里奧大人去買早餐   我話呢兩日都唔出街   要麻煩佢啦   哈哈 ~

食完早餐就溫書   寫好哂啲 Notes 喺簿仔   咁出街隨時拎嚟睇都得 ~

1 點開始預備下午茶   今日搞啲手作仔   但一次就夠   哈哈哈哈 ~

諗住好簡單啦   搞到 2 點先食得呀 ~

係獅子嚟㗎   哈哈哈哈

整份芝士豬肉鬆排包比里奧大人食   啲排包比我切到得一塊完整咋   哈哈哈哈

對於手作   我真係毫無天份   最叻都應該只係織頸巾   我之前織好多條㗎   之後都捐咗出去   其實我只係鍾意織   基本上我唔會用   我當年好怕熱   唔似依家怕凍呢 ~

食完又繼續溫書   里奧大人 4 點瞓到 5 點   佢起身之後到我好眼瞓   之後我即上床瞓   因為張床暖笠笠   我都覺得自己對眼合得好實   即係勁眼瞓呀 ~

一瞓就瞓咗半個鐘   起身勁精神呀   同未瞓前真係差好遠   哈哈 ~

6 點預備晚餐   但 7 點左右先開餐 ~

是日晚餐 - 煎蘿蔔糕 + 蒸小籠包 + 什菜

煎蘿蔔糕 - 今晚用玫瑰鍋煎   但痴得仲勁   鑊燶啲糕都未燶   真係點搞呀   真係洗嘅時間仲耐過煎嘅時間   哈哈 ~

蒸小籠包 - 好想食醋呀   所以蒸小籠包喇 ~

什菜 - 又係 1 份小旺菜 + 1 份 菜心   蘸辣椒豉油好鬼正   所以食菜對我嚟講都唔算係好健康   哈哈 ~

洗埋碗就開機洗衫   之後沖涼喇 ~

8 點幾同里奧大人講   話好似無睡意咁嘅   里奧大人話依家 8 點幾呀姐姐   梗係無睡意啦   有就驚啦   係咪呀姐姐 ?!   哈哈哈哈   咁又係喎   點解我會咁講嘅 ~

繼續睇 "大力女子都奉順"   今晚又 12 點先瞓呀   真係好好睇   我勁鍾意男女主角呀 ~