甜豆炒帶子 + 臘腸飯

尋晚同里奧大人一齊放工   仲好幸運可以一齊坐   所以都好開心下 ~ 

難得一齊番屋企   其實真係好想出街食   特別係好想打邊爐   但咳成咁點去丫 ~

失望地去街市買甜豆就番屋企煮飯 lu ~

是日懶餐 - 甜豆炒帶子 + 臘腸飯

甜豆炒帶子 - 第 1 次整   因為我唔識打蠔油茨汁   所以用海鮮醬做汁   甜甜地唔錯架 ~

臘腸飯 - 屋企有臘腸真係好方便   諗唔到煮咩就拎兩孖出黎蒸   咁都可以食兩碗飯架 ~

食臘腸飯好油膩   所以都會飲 d 酸嘅飲品   之前去日本時   領隊特別推介罐裝西柚汁   有果肉架   味道唔錯呢   屋企附近只得 Jusco 有得買   平時 $14.x   但上次做特價再加 9 折   所以 $10.x 就買到   勁抵 ~  



呢兩年新年都無整 "全盒"   因為無人會黎我屋企拜年   同埋我地多數出去人地屋企拜年   所以瓜子糖果係一律欠奉嘅 ~  

但我就會買盒 "花街" 比自己食囉   兒時回憶呀   細細個成日食   但之後都唔見有再出   幾年前去杜拜   臨番香港前喺免稅店見到有 "花街"   所以即買番香港   因為香港真係搵唔到   但呢幾年又出番喎   所以都會買番盒   七彩繽紛真係令人好開心架   但我就會同家姐 share   驚食得太多會厭呀 ~  

我覺得上年唔多開心   所以今年買嘢都講意頭   我以前絕對唔會咁架   過年前特登買 d 最生最青嘅蕉   里奧大人都 O 哂咀呢   哈 ~



~~~~
呢排一諗到要瞓覺有 d 驚   因為一瞓就咳   所以試下臨瞓前飲琵琶膏   希望可以改善下 ~  

OMG   咳到瞓唔到   重要搞到里奧大人都無覺好瞓   佢見我咳到咁   所以好好人咁幫我搓背脊   但搓完又真係舒服好多喎 ~ 

起身一照鏡   對眼勁腫   塊面又腫 ( 肥 )   真係好反胃   但都唔理   照番工 ~  

早餐食芝蛋治烘底 + 鴛鴦    我覺得件芝蛋治無味呀 ~  



番到菇場無耐   見有同事應該比菇場炒   因為睇到佢超黑面   態度仲唔多好   所以氣氛突然間好緊張   無人出聲   無人打 Keyboard   因為好想細心聆聽發生咩事呀 ~ 

晏晝同里奧大人去興記   食到有 d 厭 lu ~