元綠壽司

食咗藥   頭重重又眼瞓   真係好無原動力去煮飯呀 ~   

次次唔舒服   口淡淡就好想去食壽司   所以又去元祿喇   因為唔需要等位 ~ 

食咁多次元綠壽司   覺得今次嘅三文魚好鮮甜   食咗 3 碟   因為都係唔想食咁多生嘢   今次鰻魚青瓜卷做 Promo   $6/件   但係只可以每人 1 件   仲要係細細件鰻魚多多青瓜絲   不過 $6 就唔要求咁多喇 ~   

食完同里奧大人去超市買米粉   估唔到依家超力米粉特價都要 $3 ( 原價 $3.2 )   都幾貴   所以轉買福字米粉   $12.9/5 包 ( 原價 $16.9 )   本來想買 2 pack   但里奧大人話試下先   到時好食再買過   但我話驚到時要 $16.9 呀   不過最後都係買 1 pack 算喇   因為我都驚唔好食就 嘥咗啦 ~  

里奧大人之前上網搵到止咳藥方   材料係紅棗 + 紅糖 + 薑   飲完又好似好 d   不過我都照食西藥   雙重功效會好 d ~   


~~~~

無咁咳   當然瞓得好   瞓得好當然心情好   所以今朝食牛扒餐 + 奶茶   超滿足呀 ~ 



番到菇場小小忙   但就勁有 holiday mood   唔願做嘢呀 ~ 

晏晝同里奧大人去富記車仔麵    呢間車仔麵係有阿姐帶位   唔可以亂坐架   佢比我坐嘅搭枱位對住把風扇   我話唔舒服想轉位   阿姐唔比   里奧大人都未出聲   搭枱嘅 OL 已經好激動幫口話 : "有無搞錯呀   比錢食嘢架   人地唔舒服呀   唔準轉位 ?!"   阿姐最後將風扇向上   又不斷同我講唔好意思   其實我都無咩所謂   最緊要唔好吹住我就得喇   相嗌唔好口呢   而我又唔舒服   無氣同佢嘈呀   不過   如果係里奧大人或者我屋企人唔舒服而唔比換位就唔同講法喇   我會用佢拚過架 ~ 

最搞笑係我影相嘅時候   搭枱嘅 OL 話駛咩影丫   下次都唔會黎   唔通佢以為我去 Openrice 唱衰佢地呀嘛 ~