( 10-may-2009 sun )
今朝又要早起身 諗住又去太興 點知有十幾人排隊 9 點幾咋 平時無人架 唔通母親節關係 d 人食完早餐同母親大人出街街 噢 ~
又唔想食丁丁 所以去扒王之王試下 ~
我食吉列魚柳 + 火腿炒蛋 + 多士 + 奶茶 里奧大人就食雞扒 + 火腿炒蛋 + 多士 + 鴛鴦 味道 ok 魚柳唔腥好好味呀 ~
食完番屋企梳洗就出發去旺角 因為朋友平仔浸禮呢 ~
難得同里奧大人出旺角 順便去花園街買平衫 不過就食咗嘢先 驚里奧大人無力行嘛 ~
天氣熱到呢 又多人又焗 所以求其去花園街附近食嘢 估唔到有雲南桂林過橋米線 諗都唔諗就標入去食 lu ~
間間雲桂米線嘅環境都比較暗 但旺角呢一間就特別暗 所以入到去個人好想瞓呢 ~
太熱喇 無乜胃口 食一樣餸好喇 我食豬軟骨小鍋米線 里奧大人食豬潤豬腩肉米線 雖然小辣 但一 d 都唔辣 可惜可惜 ~
食完即去花園街買嘢 呢排里奧大人知我唔開心 所以買乜都無托手踭 真係好呢 ~
番到屋企放低所有嘢 就一齊再去街市買餸 真係好攰呀 ~
天氣燥熱 又無煲湯水 所以就煲羅漢果雪梨茶 要清潤一下呀 ~
是日懶餐 - 香煎三文魚扒 ( 黑椒汁 ) + 菜心 + 頭抽蔥花炒飯 + 勁薑蕃薯糖水
香煎三文魚扒 - 煎極個皮都唔脆 求其煎熟就算喇 再埋個黑椒汁 真係好惹味呢 ~
菜心 - 太攰喇 求其灼熟算喇 ~
頭抽蔥花炒飯 - 實在太愛呢個飯喇 覺得里奧大人真係應該食極都唔會厭呢 ~
勁薑蕃薯糖水 - 個蕃薯擺咗一星期都唔爛 勁呀 ~
今朝又要早起身 諗住又去太興 點知有十幾人排隊 9 點幾咋 平時無人架 唔通母親節關係 d 人食完早餐同母親大人出街街 噢 ~
又唔想食丁丁 所以去扒王之王試下 ~
我食吉列魚柳 + 火腿炒蛋 + 多士 + 奶茶 里奧大人就食雞扒 + 火腿炒蛋 + 多士 + 鴛鴦 味道 ok 魚柳唔腥好好味呀 ~
食完番屋企梳洗就出發去旺角 因為朋友平仔浸禮呢 ~
難得同里奧大人出旺角 順便去花園街買平衫 不過就食咗嘢先 驚里奧大人無力行嘛 ~
天氣熱到呢 又多人又焗 所以求其去花園街附近食嘢 估唔到有雲南桂林過橋米線 諗都唔諗就標入去食 lu ~
間間雲桂米線嘅環境都比較暗 但旺角呢一間就特別暗 所以入到去個人好想瞓呢 ~
太熱喇 無乜胃口 食一樣餸好喇 我食豬軟骨小鍋米線 里奧大人食豬潤豬腩肉米線 雖然小辣 但一 d 都唔辣 可惜可惜 ~
食完即去花園街買嘢 呢排里奧大人知我唔開心 所以買乜都無托手踭 真係好呢 ~
番到屋企放低所有嘢 就一齊再去街市買餸 真係好攰呀 ~
天氣燥熱 又無煲湯水 所以就煲羅漢果雪梨茶 要清潤一下呀 ~
是日懶餐 - 香煎三文魚扒 ( 黑椒汁 ) + 菜心 + 頭抽蔥花炒飯 + 勁薑蕃薯糖水
香煎三文魚扒 - 煎極個皮都唔脆 求其煎熟就算喇 再埋個黑椒汁 真係好惹味呢 ~
菜心 - 太攰喇 求其灼熟算喇 ~
頭抽蔥花炒飯 - 實在太愛呢個飯喇 覺得里奧大人真係應該食極都唔會厭呢 ~
勁薑蕃薯糖水 - 個蕃薯擺咗一星期都唔爛 勁呀 ~
沒有留言:
發佈留言