大食會 @ 姑奶屋企

9-may-2009 ( sat )

今朝同里奧大人一齊 off   咁啱又要去銀行整嘢   唔駛特登請假   真係感恩呀 ~ 

好難得咁早起身   所以去太興舒舒服服咁食個早餐呢 ~~

搞掂哂就同媽咪 家姐一齊去葵芳湘川滬食 lunch 喇 ~


雞絲粉皮

正宗四川擔擔麵

素鵝

小籠包

上海春卷

上海粗炒


食完就出發去送朱朱最後一程喇 ~

今次所有嘢都係由 "再見寵兒善後服務中心" 安排嘅   整過安排都好順暢   很是感恩呢   費用是獨立入爐費 ( $1680 ) 加沖涼 ( $300 ) ~

原本約 3:30 pm   但佢地話可以早 d 黎   因為朱朱會沖咗涼   乾乾淨淨咁見我地呢   同埋可以摸下朱朱   所以我地就 2 點半左右去到等 lu ~   

個環境令人好舒服   但當我地見到朱朱時   個個好激動咁喊   在場人員即刻拍拍膊頭以示安慰   等我地冷靜 d 再講講之後會點點點呢 ~

我地坐喺工場 ( 其實係一個大廳 )   摸下朱朱   又影下相   到咗 3 點半就入爐   我地安排朱朱獨立入爐   之後就入休閒室等 ~

等咗個半鐘就搞掂   之後帶埋朱朱番媽咪屋企喇 ~

幫朱朱執骨骨嘅叔叔講   朱朱身體積聚唔小藥物   15 歲已經夠皮喇   咁多病   機能會好差   咁到時朱朱會仲慘 ~~

真的嗎 ?!   真的會是這樣嗎 ?!   聽了叔叔咁講   其實我地真係好感恩   朱朱不用打針咁走    而係喺家姐懷抱舒舒服服咁走呢 ~

大家之後就各有節目喇   所以去到荃灣就分頭走 lu ~

今晚同奶奶慶祝母親節   所以去里奧大人家姐屋企搞大食會   我真係無心情   加上對眼又腫  眼圈又黑   真係好唔想去   但又費事啦   一陣以為乜事   我仲煩呀 ~