西檸軟雞 + 南瓜粟米栗子紅蘿蔔豬展湯

( 17-may-2009 sun )

今朝番教會   所以 10 點起身喇   咁可以慢慢食早餐   難得假期   最唔鍾意趕頭趕命嘅感覺呀 ~

唔想來來去去都同一間食   所以周圍搵下   呢間叫海旋門餐廳   門面唔錯   入去試下   坐低之後   里奧大人問我聞唔聞到 d "up" 味   但我聞唔到噃   咁不如走啦   但佢話無問題   我聞唔到就得喎 ~ 

噢   聞唔到啫   但個心已經 "形" 住間嘢好 dirty 咁   不過呢   呢間真係唔會有翻單   因為個麵好 "林" 好難食呀 ~ 

番完崇拜就夠里奧大人去圖書館借書   佢借唔到   但我就借咗幾本食譜   有圖書館真係好好呢 ~ 

借完行埋街市買嘢就番屋企咯   因為條街好好好好好熱呀 ~ 

估唔到依家又 hit 番珍珠奶茶   屋企附近已經有 6 間   有 d 係連鎖店   有 d 係小本經營   試過哂都係小本經營好飲 d   連鎖店 d 水準唔掂呀   茶又淡   珍珠又 "林"   但去另一區又唔係咁架噃   唉 ~   

太熱無胃口   所以我食雞翼薯條 + 芬達   里奧大人就食鹹魚雞粒炒飯 + 可樂 但我杯芬達係走冰   最終都係太甜   飲咗兩啖無飲 lu ~ 

星期日時間過得好快  番到屋企拿拿臨換衫煲湯喇 

是日晚餐 - 西檸軟雞 + 南瓜粟米栗子紅蘿蔔豬展湯 

西檸軟雞 - 第 1 次整   我覺得個汁 ok   但里奧大人話唔夠味喎   可能今次太心急   求其寫咗 Receipe 就算   下次要再整好 d 先得 ~   

南瓜粟米栗子紅蘿蔔豬展湯 - 太耐無飲湯   覺得好好飲   因為個湯實在太甜喇   甜到想打人呀   哈 ~