明新焗飯小廚 @ 大埔 ( 10-sep-2009 )

口水雞 - d 汁越食越辣  真係好好味呢

粟米班塊 - 個汁麻麻地   睇個樣好杰   其係粟米還粟米  水還水咁架

蒜炒菜心 - 叫咗小油都好油 

例湯 - 太耐無飲湯   就算明知係味精湯都覺得好好飲呢

( 10-sep-2009 thu )
今朝要去醫院抽血   所以 7 點要起身    7 點 8 到咗醫院門口排隊     雖然 8 點半先開始    但醫院 8 點會開門    因為有 d 係要空肚抽血   所以比佢地快 d 抽呢    

今次好快搞掂   最開心係抽血時唔痛嘛    之前去另一間醫院抽血   有個姑娘抽咗 5 分鐘都未抽到   但支針又桔住隻手度   痛到呢   佢驚我又驚   後尾問另一個姑娘點算   個姑娘話抽另一隻手   早就應該啦 

番到菇場附近只係 9 點半   太好啦   可以慢慢嘆早餐    因為我話 10 點先番菇場呢    爽呀 

依家自己 lunch    基本上唔會出街食    因為一個餐真係食唔哂   同埋以前同開里奧大人一齊食    依家一個食   我會喊架  

食埋尋日食剩嘅排包  +  1 個蘋果    再飲杯水    勁有喺醫院 feel 咁呀    太清淡都唔係太好    整到個人好 down 咁   同埋唔知係咪蘋果酸得滯   所以胃痛喎    

         

無啦啦腰骨痛    直頭痛到人都顛呀 

今晚唔駛煮飯   因為師傅話唔可以煮飯   唔係我唔想煮架   晚晚出去食真係好煩   又無益喎 

最後決定去食中餐     因為我想食菜同埋辣嘢呀   呢餐食唔哂要打包   又要比多 2 蚊發泡膠盒錢    下次記得嘅話   就自己帶定個盒    又環保又唔駛 sai 錢買盒呢