板長壽司 @ APM ( 22-sep-2009 )

三文魚籽軍艦 x 3  - 粒粒脆卜卜好好味   又新鮮   

帆立貝壽司 x 2 - 家姐食嘅

醋鯖魚壽司  x 1 - 最鍾意食醋鯖魚嘅口感

火炙墨魚鬚壽司 x 3  - 好爽口  我鍾意 

紫菜蝦卷 ( 1 客 ) - 媽咪食嘅

海膽軍艦 x 4  -  d 紫菜唔多新鮮啊 

芥辣墨魚軍艦 x 2  - 越食越 "攻" 鼻   正呀

鮟康魚肝卷 ( 1客 )  - 媽咪食嘅

火炙鰻魚壽司 x 3 - 麻麻地   無入口即溶嘅感覺呀

煙三文魚壽司 x 2 - 媽咪食嘅

三文魚壽司 x 8  - 依家做特價  只需 $3 / 件   不過依家細件咗好多啦

醬漬三文魚壽司 x 4 - 又係特價  $ 9 / 2 件    半生半熟嘅三文魚  口感好得意

帆立貝刺身 ( 6 件 ) - 家姐同里奧大人食嘅

炸軟殼蟹 x 1 - 一般啦

炸生蠔 ( 1 客 )  - 麻麻地   d 蠔太細隻喇

醬燒三文魚頭 ( 1 客 ) - 唔講唔知係醬燒囉  一 d 汁都無嘅   同埋 3 件都有眼珠  好恐怖呀    本來呢碟係我地三母女食嘅   後尾我同家姐嚇到比哂媽咪食啊

日本未來粟米 x 1 - 呢碟粟米其實係半條嘅份量   二十蚊   不過媽咪話想試食   所以試下   估唔到有好多汁    好得意呀  因為我第一次食生粟米呢        

( 22-sep-2009 tue )
尋晚 10 點 4 就瞓   所以今朝好精神    加上今朝又有秋涼嘅感覺    真係好舒服    番工都覺得特別開心呀      

老闆 off 半 day     所以我可以任意上網    唔駛鬼鬼祟祟   正呀    如果我唔係背住老闆房就好啦     咁就可以點玩都得呀 

lunch time  唔係太餓   但唔食又唔得    所以買 d 可以擺耐唔會太難食嘅燒賣腸粉喇 

今晚同媽咪  家姐  里奧大人去 apm 嘅板長壽司    呢餐媽咪請   因為家姐鍾意食壽司喎    但我媽咪就只食熟嘅壽司 or 炸物囉 

食完各自歸家    番屋企途中落雨    落咗場雨真係涼咗好多   但都要開冷氣   因為覺得開冷氣會爽 d 呀