( 16-oct-2009 fri )
今朝約咗 8掛同事食早餐 但我遲咗 15 分鐘先到 真係唔好意思呢 我已經早 10 分鐘出門口 但架車開得好慢 搞到我又好趕 下次都係唔好咁早食早餐 有緣相見仲好呢
食咗藥都仲係有燒 真係好煩 又頭痛又反胃 加埋多嘢做 超辛苦呀
晏晝買酸辣菜餃米線番菇場慢慢食 點知個米線唔酸又唔辣 菜餃無菜嘅 只係冬菇加豬肉 都唔明點解要叫菜餃嘅
終於等到收工 拿拿聲去睇醫生 好在 37.3度有小小燒 不過就有齊豬流感跡象 頭痛 反胃 流鼻水 骨痛 醫生話聽朝起身如果 38度就要去豬流感中心測試喎 唉 最怕之前同媽咪家姐食飯傳染比屋企人咋
同里奧大人去食粥 我好小話食粥 真係病到超級唔舒服先食架咋
食完行番屋企都幾舒服 不過見到里奧大人擔心個樣 我又好開心喎 因為我覺得自己唔舒服有時都唔錯架 因為佢會特別細心照顧我呢 平時唔係唔照顧 不過硬係覺得唔夠細心咁囉 成日掛住公司嘢都唔理我嘅 得我一個人睇電視 但我唔舒服呢 佢就間唔中斟水比我摸下我 睇我有無事咁囉 都幾好嘅
沒有留言:
發佈留言