打邊爐 @ 大家樂 ( 30-oct-2009 )

( 30-oct-2009 fri )
又 happy friday 喇   今朝無乜攰嘅感覺   所以幾 happy 呢 

番到菇場  hea hea hea 到 lunch time   不過都仲未諗到食 d 乜  

又未餓   行下百佳先   行咗廿分鐘就去買嘢番菇場食 lu

嘩   晏晝無啦啦好鬼攰好鬼攰    勁唔想煮呀   毫無頭緒煮乜好    所以同里奧大人出去食算喇

好想打邊爐    但里奧大人熱氣    所以話去大家樂    good idea 啦    依家有一人火鍋嘛  

我叫里奧大人揀食乜   佢話食叉燒燒鴨飯   我話唔好啦   食走地雞或者生炒骨啦   佢大笑話 : 又係妳叫人地揀   揀完又話唔好    是但啦  妳話事啦 !!   噢   不過講講下我又真係次次都係咁  假民主啊    最後我都叫番燒味飯啦   費事一陣叫咗 d 嘢唔好食就煩咯 

隔離枱有兩個女仔打邊爐   只係一個火鍋 share 食   但就將 d 嘢食霸哂成張枱    仲衰到一左一右咁坐    叫人地點坐呢   自唔自私 d 呀      我打邊爐都係用自己面前嘅位放嘢食架咋   雖則係唔方便   但人地設計到都就哂位架啦     唔需要霸埋人地 d 位咁囉   同埋明知食飯時間多人就咪咁做嘛   得人憎 

食完同里奧大人行陣 jusco 先番屋企   依家有八達通自助收費    自己搞掂  好好玩架    好似 cashier 咁 scan   又有單據喎     買一兩件嘢真係唔想排隊囉