( 19-oct-2009 mon )
勁想食出前一丁 所以早餐就食丁喇 不過唔好食嘅 同自己整到差九百幾倍 自己整得好好味架 唔通出面果 d 係假丁 噢
番到菇場有嘢唔願做 皮膚敏感仲未褪 所以好擔心 好在塊臉無受牽連咋 唔係無臉見人啊
食咗粒敏感藥 個人超攰 晏晝無胃口 所以食提子麥包 再晏小小食麥皮 夠哂健康啦
真係好攰好攰 放工坐車就瞓 飯都唔想煮呀 只想食完拿拿林番屋企瞓
貪就腳去苑記食粥 因為碗粥有好多料 食極都仲有咁 同埋就算食得好慢 食到尾都仲碗粥都有煙出呢 尋晚一入門口聽到個女仔食客講粗口已經好反感 之後就到伙記講粗口 粗口滿天飛 恐怖兼討厭呀 其實呢間苑記 d 伙記成日講粗口 已經聽慣 但唔明點解可以有客喺度都講囉 離鬼哂譜 不知所謂呀
番到屋企即刻沖涼睇碟 但睇睇下瞓着咗 索性入房瞓 8 點半入房瞓 我都覺得好早 但唔鬼理啦 因為超攰呀
沒有留言:
發佈留言