焗咖哩雞翼 + 豉油皇炒飯 + 芥蘭 ( 22-oct-2009 )

( 22-oct-2009 thu )
今朝食飽 d  因為 lunch hour 要去修眉  唔想一路修一路個肚打鼓呀 

話咁快就星期四   呢幾年 d 時間過得真係好快咁   唔知點解 

lunch time 走去修眉   因為唔想放工先去   趕住煮飯嘛     我好怕修眉架   次次都痛到標眼水     佢仲叫我晝眉    我條眉都唔係淺色丫    我話唔駛喇     心諗   我夾起前面頭髮家嘛    面色又唔係紅潤   又唔查唇膏    無啦啦一對眉毛咁黑色   好肉酸啫   咪搞我 

修完眉都未餓   所以喺超市行陣再買嘢番菇場食    今次呢個蕃茄吞拿魚 pizza 好味喎    d 餡又多   個包又脆卜卜   不過原來食完好漏囉     

呢排天氣好清涼    所以番屋企煮飯都煮得好舒服呢    最怕煮完立痴痴    但又唔可以沖涼住     好難頂呀  

是日懶餐 - 焗咖哩雞翼 + 豉油皇炒飯 + 芥蘭
焗咖哩雞翼 - 有焗爐真係方便   焗出黎又無咁油  正呀    

豉油皇炒飯 - 今次多油咗 d   里奧大人問係咪炒糯米飯   睇睇下又幾似    不過我個心好驚   因為佢記得我買咗包糯米   咁即係一定要煮啦   唔係又鬧買完又唔煮   淨係識得買咁     煩呀  

芥蘭 - 亞姐話 6 點半前買 8 蚊斤   依家就 8 蚊兩斤    所以好抵喎   想要我買兩斤   但我食唔哂嘛   之後又未必會煮飯   所以一斤算喇