煎帶子 + 西蘭花 + 豬腳薑 ( 外賣 ) ( 4-oct-2009 )

( 4-oct-2009 sun )
今朝食完早餐番教會   之後再行超市入貨   番到屋企已經兩點喇

尋晚唔願做   所以留番今日做     執下抹下又要落街食 tea   我其實唔多鍾意大晏食嘢    因為變相又要夜食晚飯    洗埋哂所有嘢   沖埋涼就要瞓   好似無哂時間咁啊

今晚其實唔駛點煮就可以開飯   因為尋晚里奧大人家姐特登煮咗 d 梅菜排骨 & 炆冬菇比我     所以我係咁易買 d 菜就得   正呀
是日懶餐 - 煎帶子 + 西蘭花 + 外賣豬腳薑
煎帶子 - 里奧大人問點解要煎帶子   因為已經有兩樣餸可以唔駛煮    但實不相暪   帶子仲有幾日就過期     又驚今晚唔煮就唔記得   所以非食不可呢   都唔知問咁多嘢做乜  
西蘭花 - 就咁灼熟就算    無加任何油鹽    又無點豉油蠔油  咁樣清清地好食啊
外賣豬腳薑 - 百佳買架   真係唔錯   下次會再買黎食呀