蕃茄海鮮意粉 + 蕃茄薯仔排骨湯 ( 26-oct-2009 )

( 26-oct-2009 mon )
真係好鍾意星期一放假    硬係覺得星期一番工特別攰咁    做乜都無心機  就算約人都唔鍾意約星期一咁架   噢 
呢朝瞓到 10 點半   爽呀     同里奧大人慢慢嘆食完早餐就番屋企 lu    

無啦啦接到家姐電話   話換好咗對鞋    可以比番我   所以想同我地食嘢   差唔多 1 點左右應該會黎到大埔喎      嘩     又會咁即興嘅    我啱啱先食完早餐又話要食晏咋噃   不過都會陪佢食嘅

佢想去大埔墟街市食魚蛋粉   點知放假   真係好好彩呢    無得食    不過好在街市入面都有唔小嘢食    所以即轉食豬扒上海麵   飲食雜誌話好食架   同埋真身見個樣都好吸引   所以就等等等啦  等咗廿分鐘先有得坐    再等等等多三十分鐘先食    好在我同里奧大人唔餓    係家姐慘 d 啫
街市有樣好  就係可以一張枱可以叫唔同檔嘅食物     樣樣食 d 好開心呢
炸豬扒麵

炸醬麵

炸兩

炸墨魚丸

之後再食 "亞婆豆腐花 "   我其實食完個早餐真係食唔落麵同豆腐花囉   但大埔墟最出名係呢幾樣    無理由一場黎到唔介紹人食嘅

番到屋企散咗咁呀    今日又熱喎     腳又未停過   口又未停過咁啊
目送家姐上車後就買餸     咁就過咗大半日 lu
呢日的起心肝煲紅豆沙     浸咗一晚紅豆    又特登買白蓮子百合   好比心機煲   點知睇睇下 dvd 時  聞到陣燶味    無喇    乜都無喇   無哂心機呀    仲要擦餐死添    原來紅豆會索水    之得耐唔耐加 d 水啦   唉 
唔知點解今次 d 燶味好似唔散咁    去到邊都聞到咁嘅  
是日懶餐 - 蕃茄海鮮意粉 + 蕃茄薯仔排骨湯
蕃茄海鮮意粉 -  唔想食肉   唔想食飯   因為今日太飽   所以整呢個意粉   酸酸咪咪開胃 d 呢    

蕃茄薯仔排骨湯 - 好耐無滾湯   係時候要做番 d 嘢    但次次煲完都會問自己點解唔蕃茄魚湯嘅    有益 d 嘛