叉燒炒蛋 + 叉燒炒麵 + 菜心苗 ( 10-OCT-2022 )

( 10-OCT-2022  MON )

尋晚瞓到 2 點左右又熱醒   諗住沖涼   但條頸又無汗   所以最後都係瞓覺喇 ~

感恩都好快瞓着   朝早起身無難度呢 ~

今朝涼咗好多   我覺得有啲凍嘅感覺添呀 ~

早餐食醬占多   呢排都係食佢㗎喇   懶得諗 ~

菇場唔太忙   所以覺得勁凍呀 ~

Lunch Time 買完菜再買 2 盒炒麵   之後即買燒賣粉果番菇場喇   突然間好餓呀 ~

菇場突然勁忙呀   真係當堂精神番哂 ~

里奧大人 5 點放工   所以我放工都即番屋企喇 ~

今晚都接近 7 點先開餐   仲以為就咁炒麵好快添  哈哈 ~

是日晚餐 - 叉燒炒蛋 + 叉燒炒麵 + 菜心苗

叉燒炒蛋 - 想清雞蛋呀   所以用 4 隻雞蛋嚟炒蛋   再加少少叉燒就搞掂 ~

叉燒炒麵 - 下次買 1 盒就夠   因為今晚食剩 1 盒咁滯呀   哈哈 ~

菜心苗 - 終於清哂   其實都鍾意食   不過唔想成日食呢 ~

洗埋碗就即沖涼   之後熨衫   不過熨到一半就比里奧大人熨喇   因為今日都比較攰咁 ~

睇下電視   11 點唔夠都瞓喇   依家天氣涼咗好多   所以都唔駛開冷氣了 ~