開餐
甜辣醬炸雞 (半隻) & 燒烤味炸雞 (半隻) ($188) - 兩款都好味 但家姐話燒烤味炸雞有蜜蜂蒜蓉味 咁應比錯呢 因為我都唔覺得係燒烤味 哈哈 里奧大人就鍾意食甜辣醬炸雞多啲
海鮮煎餅 ($108) - 口感好似薄撐 哈哈
韓式年糕炒魚餅 ($98) - 甜甜辣辣都幾好味 但份量好少囉
牛肉壽司 ($66) - 我好鍾意食 Gimbap 㗎
五福仙草 - 家姐話好味同好抵食呀
椰汁桃膠三寶 - 因為係里奧大人同家姐揀甜品 家姐話我估唔到叫咩㗎喎 之後話佢叫咗椰汁 不過真係無諗過佢會叫椰汁呢
( 29-OCT-2022 SAT )
今朝 8 點起身刷牙沖涼 之後就出發去家姐屋企喇 ~
去到家姐屋企就即比 Berry 痴住 真係好抵錫 哈哈 ~
我一坐低就係咁 "攣" 住我呀 所以成件衫都係狗毛
由細到大都鍾意曬太陽
我叫家姐買早餐比我食呀 佢買咗芝士牛角包同咖啡比我 最搞笑佢 Whatsapp 話買咗咖啡同奶茶比妳揀 叻唔叻呀 ?!?! 佢話驚我見到奶茶又想飲咁喎 果然我真係揀奶茶 哈哈 ~
家姐 9 點 45 分番到屋企 咁我可以食早餐喇 ~
家姐又比咗 2 個牛角酥比我 話里奧大人鍾意食呀 因為上次家姐買比我 我話估唔到里奧大人鍾意食 因為平時佢覺得牛角酥好油咁呢
望住家姐
終於望我 哈哈
好大隻手咁
食完又同家姐傾下偈咁啦 所以時間過得好快 ~
同家姐一齊餵 Berry 女食杜虫藥 之後佢嬲咗我啦 全程呢入梳化底呀 嗚嗚 ~
唔彩我呀
頭先連零食都唔食呀 隔咗 45 分鐘先彩番我咋
家姐 11 點半食個包 佢叮完就即食 我唔比佢食呀 要佢起碼灘凍 3 分鐘先好食 ~
我同佢朋友一樣 食完叮嘢會喉嚨痛 係刺痛咁架 但我已經灘咗起碼 20 分鐘喇 所以我無再食叮嘢呢 ~
家姐同事個人工焗㗎 賣相好似麵包舖買咁
話咁快就 12 點半 我都要走喇 ~
我買埋餸先番屋企 之後里奧大人都番到嚟 叫佢食個芝士牛角包當午餐 ~
我就未餓 差唔多 3 點先食嘢 整個冷冷撈食下先 聽日先整比里奧大人食 ~
冷冷撈材料只係中華沙律 + 蒜味螺肉 + 青瓜絲 + 少少冷麵 其實可以加好多料 不過就每樣少少咁 我唔整咁多喇 哈哈
里奧大人瞓晏覺 我就睇咗一陣聖經 之後又小清潔屋企喇 ~
差唔多 6 點左右就同里奧大人一齊接家姐 我想順便行下呀 哈哈 ~
我叫里奧大人同家姐去買甜品 我就去買晚餐 咁等佢哋上屋企坐下先嘛 ~
咁我等緊嘅時候 突然間有個人貼住我背脊 真係嚇鬼死 原來係里奧大人 我話做咩嚟呀 ?! 佢話家姐喺都要搵我 勁搞笑 肯定家姐驚我一個人等好悶 又驚好重 咁講真 如果好重就會叫里奧大人過嚟拎呢 ~
同家姐去其他食店睇下 之後我睇到個餐牌 叫佢一齊睇下揀啲咩 由第 1 到第 3 最後我哋揀嘅係一模一樣 所以大家口味相似就最好 哈哈哈哈 ~
等咗 35 分鐘先有 不過我哋都預咗 始終炸雞係即叫即炸 如果佢快就驚咯 ~
一路食一路傾 喺屋企最舒服啦 又唔怕大聲 哈哈 ~
大家都好飽 我話最緊要係食埋甜品呀 留番聽晚一定唔好食 同埋食唔到咁多囉 ~
食完又傾下 家姐 9 點半左右都番屋企喇 ~
家姐特登比封紫色利是 話代表佢喎 又話無買嘢比我 所以要比利是
咁我送佢搭車 順便當散步 今晚真係好飽 ~
番到屋企 里奧大人話頭先等咗好耐甜品 所以家姐話等嘅期間不如嚟搵我 但其實行好遠啦 咁唔同佢嚟搵我啦 到拎咗甜品 家姐又話要搵阿妹 話家姐好搞笑 哈哈 ~
沖埋涼就休息休息 睇下 Youtube 11 點都瞓覺 lu ~
沒有留言:
發佈留言