元綠壽司 + 跑步機 ( MAY-2008 )

尋日里奧大人無啦啦又要北上睇廠   所以又係同我差唔多時間番到屋企   有見及此   都係唔好浪費時間煮飯   出去食好過喇   唔知點解   一到某段時間就會心思思想食壽司   所以又去元祿喇 ~

今次食好少嘢咋   食三文魚手卷 + 鰻魚手卷 + 吉列炸蝦卷 + 蠔情卷 + 素魚翅海哲壽司 + 燒雞 Pizza  ($102) 搞掂 ~

同里奧大人特登唔食咁飽   因為想番屋企食 "大記" 紅豆糕呀 ~

上次行 Jusco 第一次見啲紅豆糕有咁多同咁大粒紅豆   所以買嚟試下   真係大大粒紅豆呀   真材實料   最緊要係唔太甜   係咁易食 1/4 件已經好飽肚喇   食完抖陣就同里奧大人一齊做機喇 ~

諗住第日係 Off 會夜啲瞓   點知 11 點已經瞓咗覺 lu ~

~~~~

今朝同里奧大人 9 點幾醒咗喇   去太興食早餐   食人氣火腿通粉餐 + 花生醬厚多士   慢慢食超 Relax 呀 ~

番到屋企見里奧大人開咗部電腦又唔用   咪唔好嘥遊下 Blog 咁囉   其實好唔想遊㗎   因為驚星期一番到公司無嘢做嘛 ~

晏晝同里奧大人去茶記食 Tea   食魚皮餃魚片頭湯濛 + 豉油王炒麵 + 奶醬多 ($52)   食完去家品店買嘢就番屋企 lu   今日唔方便做機   要喺屋企休息   所以得里奧大人勁 Happy 一個人去做機喇 ~

節瓜粒粒粒粒粒湯飯 + 跑步機 ( MAY-2008 )

里奧大人正式開始忙 lu   所以放工後我會有大把時間去買嘢預備晚飯同做機   但相對要 9 點幾先可以食晚飯囉   對於我嚟講覺得好夜食呀   但又唔想一個人食先   其一要分開煮兩次   其二係里奧大人應該好期待每晚番屋企同我一齊食晚飯嘛 ~

尋晚就咁去超市買豬肉 ($11) 就得喇   非常方便   之後就番屋企換衫做機喇 ~

里奧大人 8 點半先放工   所以可以睇下電視   慢慢預備   仲可以順便拖埋地 ~

是日懶餐 : 節瓜粒粒粒粒粒湯飯

節瓜粒粒粒粒粒湯飯...將五粒 (節瓜 + 東菇 + 瑤柱 + 雲腿 + 瘦肉) 切粒備用   我驚啲湯飯無味   所以留埋東菇水同瑤柱水備用   等到里奧大人番屋企前 25 分鐘就要 Ready 煲水喇   將所有材料加東菇水瑤柱水一齊大火煲   再加少少雞粉調味就搞掂㗎喇   一鍋有瓜有肉有飯極到方便   最緊要係今次整得好好食呀 ~

食埋飯洗埋碗沖埋涼已經 10 點幾   但同自己講過要有恆心敷 Mask   所以敷埋 Mask 睇一陣電視就瞓喇   啲食物都未消化就瞓   想唔肥都幾難呀 ~

~~~

今朝又係早咗番公司   我覺得係因為早一晚諗定着咩衫   咁可以唔駛嘥咁多時間襯衫嘛 ~

早餐食芝蛋治烘底 + 咖啡 ($15)   我真係第一次咁他條食早餐   慢慢食仲可以慢慢嘆報紙添呀   食完份早餐都係啱啱 9 點咋 ~

阿 Head 唔舒服無番   所以勁他條   加上今日 Friday   仲更加 Happy ~

晏晝里奧大人同同事出街食   所以我就去 7 仔買咗蒜香撈麵 + 10 粒魚肉燒賣 ($15.5)   點解唔飽嘅 ~

真係好開心呀   因為聽日 Off 呀 ~

珊瑚堡 + 跑步機 ( MAY-2008 )

尋晚好開心呀   因為里奧大人晏晝北上完就同我差唔多時間番到屋企   所以可以一齊食晚飯同做機呀 ~

今晚唔煮啦   唔想比人笑喇 ~

由於仲有珊瑚堡 $50 Cash Coupon   而呢間 Cafe 啲服務水準極差   食物又一般   怕佢遲早執呀   所以就去食埋先喇 ~

去到發達啦   因為珊瑚堡有新分店開張   所以食指定套餐就會送相同價錢嘅 Coupon   同里奧大人 Share 紐西蘭肉眼牛扒 + 芝士蒜蓉煙肉焗紐西蘭青口意粉 ($116)   因為扣埋 $50 Cash Coupon 所以咁平   但無得送 Coupon   因為用咗 $50 Cash Coupon   真係比佢啲 Waiter 激到嘔血   事緣我 Order 之前已經問咗用 Cash Coupon 仲會唔會有呢個優惠嘅 Coupon   佢話有我先會叫   點知最後埋單係無嘅   之後個 Waiter 話: 算啦   今次比 Coupon 你   佢無 Say Sorry   我咪話咩嘢算呀 ?!   係你搞錯先呀   之後無幾耐有個 Manager 過嚟話公司規定用咗 Cash Coupon 就唔可以送㗎   咁我咪話咁就叫妳哋啲同事講清楚啲啦   問得咁清楚都仲要搞錯   最後個 Manager 話會比 $150 Coupon   但點知原來係張 $50 Coupon   消費滿 $100 先可以用   咁就叫 $150 ?!   妳話係咪顛㗎   不過我都唔要求比 $150   因為 Eexpiry Date 係 30-Jun-2008 ~

條氣仲係谷住谷住   係嬲點解啲人會咁唔用心做嘢嘅   做錯唔認錯   唔識就問啦   問完就記住啦   咁做嘢點得㗎   仲要係服務性行業添 ~

食完抖一陣就同里奧大人一齊去做機 lu   兩個人做機真係無咁悶 ~

~~~~

今朝天氣非常差   大雨到不得了   驚塞車   所以早啲出門口 ~

早咗番到公司附近   所以可以嘆個沙爹牛肉蛋公仔麵 + 奶茶 ($13)   影完相放番相機落袋   心血來潮 Check 下個 Key Holder   點知無咗   摷咗 3 次都無   嚇到標冷汗   因為驚鎖門之後唔記得拎番出嚟   拿拿聲打比里奧大人叫佢搵賓細姑幫手睇睇係咪真係漏咗無拎   點知話無 Key 喎   咁我好快咁食完番公司倒哂所以嘢再摷兩次   原來係因為個暗袋爛咗   所以跌咗落底   好在搵到咋   如果唔係就要換鎖㗎喇   同埋最唔好意思係搞到人嘛 ~

番到菇場比較忙   所以要尊心種菇   種完先認真巡 Blog ~

晏晝同里奧大人去食水餃河 + 切腩麵套餐 ($49)   食完又兜個大運就各自番公司喇 ~

柱候煎雞翼 + 節瓜雲腿粉絲煲 + 跑步機 ( MAY-2008 )

尋晚好他條   因為里奧大人要開 OT   同埋我又已經醃好雞翼   所以只喺去街市買節瓜 ($5/4 條) 就得 lu ~

番到屋企又係換衫再去做機喇   唔知點解膝蓋有啲痛   所以依家只做 15 分鐘跑步機再加 15 分鐘 Stepper   里奧大人話做 Stepper 無咁傷膝蓋喎   不過再加多句話我係因為肥   所以膝蓋痛喎 ~

呢排里奧大人開始忙喇   要 9 點幾先可以番到屋企食飯   所以依家會煮多啲菜   唔係驚太多肉好難消化呀   因為我 11 點要瞓嘛 ~

是日懶餐 : 柱候煎雞翼 + 節瓜雲腿粉絲煲

柱候煎雞翼 - 用柱候醬醃咗兩晚   再慢火煎   香到不得了呀   里奧大人話我從煮以嚟   煎得最好食係今次喎   雖然個樣黑咗啲 ~

節瓜雲腿粉絲煲 - 呢個餸係抄噹媽㗎   不過我唔鍾意蝦米   所以改用雲腿 (因為 Expiry Date : 30-6-08)   好在味道都幾夾咋 ~

洗埋碗沖埋涼已經 10 點半   睇咗陣電視就要去瞓覺喇   啲時間好似好唔夠用咁 ~

~~~~

今朝勁塞車   所以不斷祈禱   求神保守車程順暢   感謝神聽我急切禱告   不消一分鐘車程做暢通無阻   感謝神嘅保守帶領 ~

眼瞓無咩胃口   所以食奶油多 + 咖啡 ($13) ~

番到菇場有得種菇   所以要拿拿聲遊哂所有 Blog 先種菇 ~

里奧大人突然要上廠   所以 12 點已經去赤丸食 Lunch   食食下公司打嚟話遲啲先上   所以里奧大人可以齋陪我食嘢喇   去 KFC 食巴辣雞腿包套餐 ($25)   之後再行一陣就各自走 lu ~

香煎龍脷柳 + 蒜蓉薑粒炒青豆 + 隔夜湯 ( MAY-2008 )

好耐無食過魚   所以同里奧大人去 Jusco 買急涷龍脷柳做晚餐喇 ~

天氣好焗   咩都無 Mood 做   里奧大人又做功課   又無電視好睇   所以求其執下櫃   Mark 低一部份食物同調味料嘅份量同 Expiry Date   唔駛到時又過哂期嘥哂啲嘢嘛 ~

想他他條條睇獎門人   所以 6 點幾就 Ready 晚餐 lu ~

是日懶餐 : 香煎龍脷柳 + 蒜蓉薑粒炒青豆 + 隔夜湯

香煎龍脷柳 - 平時就會用黑椒汁   但里奧大人啱啱好番唔想食辣   所以就用韓國醃雞肉醬料做汁   甜甜哋幾好味   我好怕整魚   次次整完原都覺得條魚好腥好難食㗎 ~

蒜蓉薑粒炒青豆 - 前日炒蛋用淨嘅   所以食埋去   不過我覺得好難炒   因為唔識睇熟唔熟   所以炒 7 分鐘焗 5 分鐘   咁應該熟喇啩 ~

隔夜湯 - 超甜超多湯渣 ~

食完洗完沖埋涼   再有時間比我敷 Mask   之後時間啱啱好   可以同里奧大人坐定定睇獎門人   不過今集啲嘉賓唔係咁吸引同埋咁好笑囉 ~

~~~~

今朝里奧大人無帶電話   同埋出門口無關鐵閘   咁都得嘅 ~

要比番電話里奧大人   所以喺里奧大人公司附近食早餐   食腸仔蛋炸菜肉絲米 + 奶茶 ($19)   一食一路等里奧大人拎番電話呀 ~

番到菇場無嘢做   晏晝公司同同事去美心皇宮 Farewell   有 Free Lunch 幾好呀 ~

我好鍾意睇酒樓出面果寫住啲咩府咩府聯婚㗎   因為有啲真係好搞笑   家姐話見過有間酒樓有兩個牌左右寫住毛錢聯婚 何府宴客 (偕音: 無錢聯婚 何苦宴客)   都唔知係咪有心玩嘢呀 ~ 

臘味糯米飯 + 南瓜栗子粟米豬骨湯 + 跑步機 ( MAY-2008 )

尋日放工番到屋企已經 2 點幾   所以同里奧大人去食 Tea 喇   我就食紫菜魚片頭湯金邊粉   里奧大人就食豉油王炒麵 + 油醬多   之後去街市買餸   豬骨 ($26) + 1 個南瓜 ($8) + 半磅栗子 ($6) + 1 份粟米 ($5) + 3 個木瓜 ($12) 就番屋企喇 ~

番到屋企熨下衫   執下嘢就同里奧大人出去做機 lu ~

沖個靚涼之後再煲湯   搞掂就可以有時間睇下報紙 Relax 下喇   實在諗唔到煮咩   但又唔知出去食咩好   所以求其煮臘味糯米飯算喇 ~

是日晚餐 - 臘味糯米飯 + 南瓜栗子粟米豬骨湯

臘味糯米飯 - 諗住好簡單咁蒸臘味糯米飯   點知原來仲嘥時間   糯米浸咗 2 個鐘   再浸 3 隻冬菇 + 幾粒江瑤柱   唔想啲臘味 (臘腸 + 潤腸 + 臘鴨) 咁油膩   所以將臘味出出水再切粒   連同冬菇江瑤柱一齊放飯面蒸半個鐘   我驚啲糯米唔熟   所以又再炒一炒   唔知點解今次啲糯米飯唔煙韌嘅 ~

南瓜栗子粟米豬骨湯 - 豬骨出水   栗子滾 2 分鐘可以易啲去肉   最花時間係將啲粟米續粒拻   但又好好味喎   粒粒脹卜卜咁好正㗎   呢煲湯真係好甜好正   最正係可以留番啲粟米粒當聽晚嘅蔬菜   慳唔小錢㗎 ~

食完飯洗埋碗   個人散哂 lu ~

~~~~

今朝打的番教會期間   里奧大人先知道唔記得帶銀包   其實唔帶銀包唔係問題   我有帶咪得囉   但問題係里奧大人要去圖書館借書   要帶圖書館証同身份証嘛   所以我落車去餐廳食嘢先   佢就原車番屋企拎銀包喇   話過佢千千萬萬次   帶齊銀包 電話 工作証   但都會漏   仲次次都話因為換袋先唔記得帶嘢   呢個根本係籍口   換袋都係將成個袋啲嘢搬去另一個袋度啫   點會唔記得㗎 ?!   同埋啲咁緊要嘅嘢梗係會 Check 清楚啦   唔 Check 清楚就賴換袋呀眼瞓呀   呢啲嘢係臨瞓前 Check 清楚家嘛   嘥自己時間   我夠成日換袋啦   我都係 Check 清楚先拉鍊㗎 ~

已經時間唔係咁充裕   所以要邊食邊等   食炸菜肉絲米 + 熟蛋腸仔 + 奶茶   啲炸菜勁鹹   碗米粉勁油   點食呀 ?!   食咗一半咋   而里奧大人拿拿聲食丁麵 + 炒蛋腸仔 + 奶茶就番教會喇   係咪吖   搞到趕頭趕命咁 ~

番完祟拜就去圖書館借書   而我就睇烹飪書   本來我都有抄 Recipe   但抄唔到咁多 ~

借完書已經 2 點幾喇   所以又去食 Tea 喇   食鳳爪排骨飯 + 鹹魚肉餅飯 ($34)   講真   次次食啲飯都好腍劈劈咁   唔明點解飲食雜誌話係好出名嘅盅頭飯   肯定係 "線" 稿呀   食完 Tea 就同里奧大人慢慢行番屋企喇 ~

味千拉麵 + 跑步機 ( MAY-2008 )

講過星期五唔想煮飯   咁啱里奧大人又要去剪髮   我可以好他條咁番屋企同做機 lu ~

做完機去藥房買無花果   原來要 $58/磅咁鬼貴㗎   仲諗住好平添   不過我唔知其他地方幾錢   所以買半磅先 ~

番到屋企等里奧大人電話   里奧大人話去味千食喎   食豬軟骨拉麵 + 炸豆腐 + 螺肉 + 餃子 ($110)   個個 Blog 友都話啲湯好鹹   但點解我唔覺嘅 ?!   仲覺得無咩味添   唔通我味覺有問題 ~

喺屋企無嘢做又口痕   所以食蒟蒻解悶   提子味好好食呀 ~

~~~~

今朝天氣時好時唔好   仲要我落車先嚟落雨 ~

今日老細 Off   所以真係可以無憂無慮嘆早餐喇   食磨菇雞肉腸片蛋治烘底 + 奶茶 ($15) ~

番到菇場又可以無憂無慮咁開大個 Screen 嚟寫 Blog 遊 Blog   真係好多謝公司呀 ~

豆角菜脯炒蛋 + 瘦叉燒 (外賣) + 跑步機 ( MAY-2008 )

尋晚諗住喺公司附近超市買叉燒   點知無得買   激到嘔血呀 ~

所以要番到屋企附近街市先買叉燒 ($18) 同埋 1 扎豆角 ($5)   原來豆角好難有得買㗎   同埋好易搞錯   因為有啲係外型同豆角一樣   但淺色啲   唔知咩豆   好在我記得豆角係深綠色先無買錯咋   因為好多時啲街市婆求其應兩應就話係   然後就第比妳㗎喇 ~

番屋企放低嘢   換埋衫就去做機 lu ~

是日懶餐 - 豆角菜脯炒蛋 + 外賣瘦叉燒

豆角菜脯炒蛋 - 豆角切粒   驚啲豆角有腥味   所以加埋菜脯粒   同埋覺得口感正啲   本來想學亞 See 整蛋角   但實在啲料太多個鑊太細   我又唔識反轉厚厚嘅蛋角   所以最後變咗做炒蛋 ~

外賣瘦叉燒 - 之前見小公主食半肥瘦叉燒   真係好想食   但當自己買嘅時候就會好不其然揀最瘦嘅   始終都係怕肥   同埋我都係唔食肥膏嘅   所以都係買瘦叉燒好啲 ~

我呢餐又係食啲餸同食埋餘下嘅 Cheese Cake   十分飽呀 ~

~~~~

今朝有太陽   所以心情都好啲   唔敢食咁多蛋   所以食炒米粉 + 奶茶 ($13)   慢慢嘆完就番菇場 lu ~

菇場又係咁靜   因為我哋係用 MSN 溝通嘅   坐喺我隔離位嘅 Partner 只會用 MSN 同我溝通   唔會伸過頭過嚟問我嘢㗎   所以其實我好怕同同事出聲傾偈   因為驚個口會噴菇呀 ~

里奧大人晏晝同班經理一齊食飯   所以我今日係帶飯喇 ~

勝瓜炒雞腎 + 辣汁龍脷柳 + 跑步機 ( MAY-2008 )

諗餸煮飯真係好煩   因為我識煮嘅嘢實在太少喇 ~

同埋又唔可以淨係煮自己鍾意食嘅嘢   所以真係諗爆頭都未必諗到煮咩 ~

好在平時喺菇場 Print Out 唔少食譜做 Reference   如果唔係就唔知點好喇 ~

最怕落雨濕濕去街市買餸   所以拿拿聲買 2 隻雞腎 ($6) 同 1 條勝瓜 ($2.5) 就番屋企 ~

番到屋企第一時間換衫去做機 lu   其實星期一真係好攰   同埋無咩心機做機   但我唔可以比呢啲籍口自己嘅   橫掂里奧大人 9 點先番到屋企   咁仲更加無理由唔做機啦 ~

是日晚餐 : 勝瓜炒雞腎 + 辣汁龍脷柳

勝瓜炒雞腎 - 第一次整雞腎   但整完呢餐雞腎   我諗唔會再整   因為個腎好恐怖   仲要生勾勾咁切落去   好核突   又驚有血腥味   所以炒時落啲雞粉   加勝瓜之後又再落假雞湯 (雞粉 + 水) 兜勻再焗幾分鐘   兜勻再焗幾分鐘   因為好驚啲雞腎唔熟   食落唔錯   但唔知點解啲雞腎好鬼韌   咬好耐先可以吞   同埋一路食一路諗起切嘅過程   所以趙兩趙就即吞   如果唔係就會食唔落㗎喇   幾驚夜晚會胃痛呀...

辣汁龍脷柳 - 今次用泰式辣醬   期望以辣味遮蓋腥味 ~

睇無線套 "法証先鋒 2"   林文龍做戲真係好唔掂   好唔入戲   我都係一個超級易喊嘅人嚟   但睇見佢喊   我一啲想喊嘅感覺都無   反而覺得睇見佢就煩囉 ~

~~~~

今朝想食糯米雞   點知無呀   所以退而求其次食丁蛋麵 + 熱央 ($19)   又加咗價喇   上星期明明 $18 咋 ~

番到菇場啲同事好似幾忙咁   所以大聲啲按 Keyboard 都無問題   唔駛就住就住 ~

 
問里奧大人晏晝想食咩 ?!   里奧大人話食車仔麵囉   諗唔到食咩喎   咁我問怕唔怕熱先   話唔怕喎   咪去食囉   因為要行 15 分鐘先到.   度即叫一個 8 餸配菊花茶同一個 5 餸餐配酸梅湯 ($41)   突然好想食青椒   所以叫咗單寶 ($5/4 件)   不過今次無咩冷氣同埋對住條窄巷   所以里奧大人食到一半就話下次唔好食   因為實在太熱喎   而我一路食一路流汗   諗到食完又要熱辣辣咁行番 15 分鐘先到公司真係有啲想喊呀   行行下   里奧大人突然話: 唔知係咪同妳一齊食嘢開心呢 ?!   因為自己一個人係食唔哂一個餐㗎喎 ~

唔知係咩嘢 + 核核突突芒果 Cheese Cake + 跑步機 ( MAY-2008 )

尋晚放工又大風又大雨   番到屋企里奧大人就話放工走人   仲話可以食完飯陪我做機添呀 ~

咁即係要喺里奧大人番屋企前要有飯開   如果唔係太夜食飯會做唔到機㗎 ~

拿拿聲去到街市買 3 個芒果 ($12) 再買 2 個大蕃茄 ($4) 同埋 1 個紫洋蔥 ($1) 就番屋企喇 ~

是日懶餐 : 肉醬天使麵 + 唐生菜

肉醬天使麵  - 原來我買錯咗天使麵   跟包裝做法   煮 3 分鐘就 OK   之後再煮蕃茄蓉再爆香洋蔥同豬肉碎   然後再加意粉一齊粉   越炒越心寒   因為炒到好似麵糊咁   睇見都唔想食   唯有拚命落芝士粉令到賣相好啲   食嘅時候   里奧大人都好厚道話好食   不過口感似糊仔喎    講真   我都唔係咁想食   所以落辣椒粉嚟刺激味雷   快快手手食埋去唔想眼冤呀 ~

唐生菜 - 其實又中又西好怪咁   但啲菜已經擺咗一晚   所以一定要煮嚟食囉   炒完個粉咩心機都無   所以連腐乳都懶得拎嚟點呀 ~

食完飯就即刻食 Cheese Cake 當甜品喇   因為好想做機前食   咁就可以跑哂啲脂肪出嘛 ~

對於呢個 Cheese Cake 唔會有太大期望   因為時間實在太傖咄喇...買相唔掂   其一係因為啲生果多得滯瀉哂出嚟   其二係好似唔夠實咁   我好想整到好似出面嗰啲 Cheese Cake 咁硬呀...但唔識點整   不過唔係讚自己   個 Cake 的確幾好味喎   但太漏喇   所以我都特登買啲唔熟嘅芒果   酸酸哋幫助消化呀 ~

~~~~

今朝 6 點 45 分起咗身   因為比賓姑打嚟嘈醒   搞到我之後瞓唔着   大佬呀   有咩事要晨咁早打嚟呢   原來係話份功課要聽日交   要里奧大人今晚搞掂   咁妳有無自私啲呀   咁早打嚟嘈住人   原來係為自己   妳起身啫   咁有無諗過人哋仲瞓緊覺㗎   妳認為咁早打嚟   里奧大人會即刻幫妳做到咩   就算做都要今晚放工番屋企先做到啦   妳認為咁早打嚟   咁里奧大人就會一路番工一路幫妳做功課呀 ?!   我平時 7 點半先起身   咁就無咗 45 分鐘休息時間呀  我咁慶係因為佢唔係第一次係咁   之前試過假期同星期日 9 點打嚟問功課   大佬   知唔知人哋難得可以瞓耐啲又比妳嘈醒呀 ?!   不知所謂   離哂大譜   假期都可以隨時瞓吖   但番緊工點可以隨時瞓呀 ~

咁早起身咪早咗出門口番工囉   所以去食麵   可以消磨時間嘛   食沙爹牛肉蛋麵 + 奶茶 ($18) ~

今朝都少少忙   .不過好眼瞓   個頭又重重咁   提唔起精神做嘢呀 ~

晏晝又同里奧大人一齊出去食   見佢好趕咁跑嚟   但其實無遲到   原來佢趕住落嚟而無帶電話   驚我搵佢唔到   所以就跑嚟   嗰刻好感動   覺得佢真係好緊張我   所以今朝雖然好慶   但見到里奧大人當堂開心番哂呀 ~

見天氣唔錯   所以同里奧大人慢慢行去食車仔麵   $18 (5 餸 + 豆漿) + $23 (8 餸 + 豆漿)   最正係又抵又好味嘛   食完又慢慢行番公司 lu ~

鹹蛋蒸肉餅 + 芥蘭 + 跑步機 ( MAY-2008 )

今早沒有什麼心情更新網誌   所以留待下午才更新 ~

昨晚只是買了芥蘭 ($6) 就回家   因為家裡還有些免治豬肉   所以可以減省買一樣東西了 ~ 

是日晚餐 : 鹹蛋蒸豬肉 + 芥蘭

鹹蛋蒸豬肉 - 很久沒有做這道菜了   只是隨意將鹹蛋與豬肉一併蒸   但蒸出來的肉餅很鹹   還有賣相真是要不得 ~

芥蘭 - 相比之下   覺得芥蘭味道十分清甜 ~

還記得 Cheese Cake 嘛 ?!   昨晚我只是吃了些少菜及兩件 Cheese Cake 當作晚餐   因為害怕又吃飯又吃 Cake 會很容易肥   過了一會兒便去做機了 ~

~~~~

睡得很差   醒了 3 次   並且難以再入睡   所以今早的心情不是太好 ~ 

早餐吃了奶油多 + 咖啡 ($13)...期望吃了甜甜的多士會令我心情好些...但沒有用 ~

突然有感而發的想說   感覺得一生人不需要太多朋友   只需要一個知己就足夠了   我很慶幸有位知己 CC   無論我開心或不開心的事情...總會第一時間告訴她的   她是一個很好的聆聽者   真的感謝神給我認識到這位知己 ~

下午與同事們去大榮華吃歡送午餐   因為同事 "休仔" 要走了   雖然桌上有很多好吃的東西   但可能心情不是太好   所以沒有什麼胃口想吃 ~

「 狗 死 比 人 死 好 ！ 」
流 浪 貓 狗 見 一 隻 殺 一 隻
當 局 恐 怕 爆 發 瘋 狗 症 之 餘 ， 也 擔 心 會 出 現 餓 狗 搶 噬 人 屍 情 況 ， 因 此 決 定 大 規 模 撲 殺 貓 狗 ， 實 行 「 見 一 隻 殺 一 隻 」 。
都 江 堰 市 政 府 貼 滅 犬 令
此 外 ， 通 告 中 又 指 示 民 眾 不 得 亂 棄 貓 狗 屍 體 ， 必 須 以 深 埋 和 銷 毀 方 式 處 理 屍 體 ； 市 政 府 又 呼 籲 民 眾 若 被 狗 咬 傷 抓 傷 ， 必 須 立 即 求 醫 及 注 射 瘋 狗 症 疫 苗 。
對 於 當 局 撲 殺 流 浪 狗 貓 ， 災 民 都 表 示 歡 迎 ， 有 人 說 ： 「 狗 死 比 人 死 好 ！ 」 不 過 ， 記 者 昨 日 在 都 江 堰 街 頭 仍 見 到 不 少 流 浪 狗 ， 四 川 省 在 發 生 大 地 震 之 前 ， 已 是 瘋 狗 症 的 高 危 地 區 ， 現 時 災 區 衞 生 情 況 惡 劣 ， 令 瘋 狗 症 問 題 更 為 嚴 峻
我個人認為他們的做法很不人道...其實他們有沒有反省過狗狗為何會做了流浪狗呢??
狗死好過人死 --> 難道狗就沒有生命嗎??

【 本 報 訊 】 「 狗 死 比 人 死 好 ！ 」 在 四 川 災 區 ， 不 單 止 災 民 缺 水 缺 糧 ， 無 處 容 身 ； 原 本 有 主 人 飼 養 的 寵 物 貓 狗 ， 也 在 地 震 中 變 成 了 流 浪 貓 狗 ， 牠 們 在 沒 有 食 物 的 情 況 下 ， 連 日 來 在 垃 圾 堆 中 覓 食 並 到 處 便 溺 ， 令 本 來 已 十 分 惡 劣 的 衞 生 環 境 更 差 。

其 中 都 江 堰 市 政 府 前 日 開 始 ， 在 市 內 街 道 貼 出 「 開 展 災 後 突 擊 滅 犬 」 通 告 ， 表 明 嚴 禁 任 何 單 位 及 個 人 在 災 區 安 置 或 飼 養 貓 狗 ； 市 級 有 關 部 門 和 各 鄉 鎮 人 員 ， 見 有 流 浪 貓 狗 即 會 進 行 撲 殺 ， 任 何 人 不 得 阻 止 ， 違 者 將 被 嚴 處 。

蔥花燒肉粒炒飯 + 腐乳唐生菜 + 灌湯包 + 跑步機 ( MAY-2008 )

尋晚放工仲落雨   車程就梗要耐啲   落車第一時間去街市買餸   如果唔係驚收檔呀   同埋一早諗好咗煮炒飯   所以只需買 1 份唐生菜 ($5) 就可以番屋企換衫去做機 lu ~

做完機喇   里奧大人都未放工   所以去 Jusco 逛逛   突然好想食魚肉燒賣   所以買定 2 Pack 香港仔魚肉燒賣 ($12.9/2 Pack)   好抵呀   之後再買 Whipping Cream 就番屋企 Ready 晚飯喇 ~

是日懶餐 : 蔥花燒肉粒炒飯 + 腐乳唐生菜 + 灌湯包

蔥花燒肉粒炒飯 - 係用食剩嘅燒肉嚟切粒   再加蛋絲   蔥粒同老抽炒勻   不過覺得燒肉粒太多   飯太少喇 ~

腐乳唐生菜 - 只想用最方便嘅方法煮菜   所以就食唐生菜喇 ~

灌湯包 - 好想食醋   所以就開包灌湯包嚟點醋喇   不過唔知係咪擺咗成年   啲皮好硬呀 ~

食完飯唔洗碗就即刻整 Chesse Cake   原因係 24/ 5 到期   真係唔想嘥咗佢呀   里奧大人今次仲出手相助添   因為個打蛋器實在太強勁  一打就飛哂啲 Cream Cheese 出嚟   同埋個碗又係咁郁   所以佢唔幫唔得呀 ~

洗埋碗成 10 點先搞掂   真係超攰呀 ~

~~~~

今朝又落雨   勁 Down 呀   因為我實在太受天氣影響情緒喇 ~

都係嗰句啦   咁 Down 唔想咁快番公司   所以食埋芝腿菠蘿包 + 咖啡 ($17) 先番公司 ~

晏晝都係風雨不改咁同里奧大人食 Lunch   食醬爆牛丸米 + 切腩麵 ($36)   食完再迫里奧大人陪我去買餅乾   點知越行越大風大雨   雖然有各自擔遮   但見里奧大人件衫濕哂   我覺得自己好衰咁   早啲番公司咪唔會濕衫囉   係都要行 ~

蝦醬玉子豆腐火腩煲 + 豉油蛋絲炒飯 + 老黃瓜赤小豆扁豆粟米豬骨湯 ( MAY-2008 )

尋日番到屋企都成 3 點半   所以同里奧大人拿拿聲買嘢預備晚餐喇   去超市買豬骨 ($33)   再去藥房買赤小豆扁豆 ($12)   再去街市買韮菜 ($3) + 燒肉 ($30) + 2 條玉子豆腐 ($2) + 富士蘋果 ($12) 就番屋企喇 ~

換好哂衫 Ready 煲湯先記得無買老黃瓜   又要再落街市買   買咗 1 個 斤半嘅老黃瓜 ($6)   又幾抵喎 ~

預備哂湯   又煲埋中藥   所以又去執櫃桶喇   里奧大人就主動話幫手熨衫   實在太感動喇 ~

是日懶餐 - 蝦醬玉子豆腐火腩煲 + 豉油蛋絲炒飯 + 老黃瓜赤小豆扁豆粟米豬骨湯

蝦醬玉子豆腐火腩煲 - 里奧大人唔鍾意食布包豆腐   所以要求用玉子豆腐代替   但其實買完都好驚   因為 1 蚊條實在太平喇   下次都係去 Jusco 買穩陣啲   今次去街市入面啲燒味檔買燒肉喇   $30 都幾多下   不過當我煮嘅時候發現係有部份係生嘅   所以又要花時間煮熟   來諗住用雞粉加水做汁   點知無雞粉   所以用蝦醬代替   估唔到又幾好味喎 ~

老黃瓜赤小豆扁豆粟米豬骨湯 - 媽咪話呢個湯係去濕湯   所以煲嚟飲下   唔係自己讚自己   煲湯真係好好飲喎   依家我真係唔想再浪費任何食物   所以我就食湯渣做晚飯   同埋啲豬骨好鬼貴   真係唔想浪費 ~

豉油蛋絲炒飯 - 我就話食湯渣啫   無理由里奧大人無飯落肚家嘛   我覺得啲男人好快肚餓㗎   所以就求其用豉油蛋絲炒碗飯比佢食就算喇 ~

食完洗完沖埋涼   諗住做賑災籌款無得睇獎門人   好在無轉台咋   原來改咗 9 點半做   呢排周遭事情實在令人太沉重   所以真係好想笑下放鬆下~

~~~~

今朝天陰陰又落雨   加上又係星期一   個人真係有啲 Down 呀 ~

雖然遲到   但實在唔想咁快番公司   所以趕頭趕命都去食埋早餐先番去   食芝蛋治烘底 + 奶茶 ($15) ~

番到公司忙到顛   連遊 Blog 都無時間呀   真係估佢唔到 ~

晏晝又係同里奧大人食   去餐廳 Share 食什扒飯 (洋蔥汁)餐   份量啱啱好   因為我減肥進行中   同埋如果叫兩碟就真係食唔哂   無謂浪費嘛 ~

教會懇親聚餐 @ 鴻星 + 跑步機 ( MAY-2008 )

晏晝嗰餐真係飽到行唔郁   所以番到屋企就即刻做機   好在出一身汗先無咁辛苦咋 ~

番到屋企就要即刻沖涼 lu   因為 6 點半要出去鴻星食懇親聚餐呀 ~

一日食兩餐勁嘢   真係唔肥都幾難 ~

去到見到自己嘅弟兄姊妹真係好有親切感   感覺好似一家人食晚飯咁   仲有一件好開心嘅事   就係見到以前嘅鄰居   佢仲已經受浸添呀   佢以前個樣好愁嘅   佢話信主之後變得好開心呀   感謝主 ~

食到 9 點幾就散席 lu   可以早啲番屋企休息喇 ~

~~~~

今朝同里奧大人番自己教會   所以 9 點半起身   去教會附近食早餐   食炒麵 + 鴛鴦腸 (叉燒 / 牛肉) + 奶茶 ($31)   食完就要急腳番教會   因為有陳敏兒姊妹講見證 ~

教會全場爆滿   好在 Ivy 留位比我同里奧大人咋 ~

崇拜時候播放諾諾生前短片   再加陳敏兒姊妹感人嘅見證   真係好心酸   我喊到死死下呀   陳敏兒姊妹話照顧諾諾嘅時候真係好攰好攰   但神比力量佢   佢先能夠堅持生活下去   感謝主 ~

祟拜後約家姐食車仔麵   之後就同佢買鞋   因為里奧大人有 Cash Coupon 同 Discount   咁 7 除 8 扣只用咗 8 百幾買咗兩對鞋   家姐超開心呀   買完就各自番屋企 lu ~

詩歌分享

大地頌讚歡唱   讚美祢名字   耶穌尊貴高超過一切
萬族萬國高唱   讚美祢名字   從永遠到永遠 祢超過諸天
除祢之外   找不到尊貴像祢   除祢之外 找不到更美名字
除祢之外   並沒有 沒有別名
可以配受權柄   讚美以及祟敬    聖潔    國度    榮耀全屬祢

餃子生麵 + 清炒粟米 + 跑步機 ( MAY-2008 )

明明講過話星期五唔煮飯要 Relax   但唔知做咩無啦啦又去煮 ~

尋晚比較嘆   因為做完機就係咁易買份粟米 ($7) 就番屋企煮嘢喇 ~

是日懶餐 : 餃子生麵 + 清炒粟米

餃子生麵  - 里奧大人鍾意食   所以先煮呢個麵 ~

清炒粟米 - 難得粟米價錢回落番   又再買嚟食喇 ~

煮完洗完就可以沖涼   仲可以做埋 Mask 添呀   天氣實在太乾燥   唔做唔得喇 ~

做完叫里奧大人就批個香梨嚟嘆下   好甜呀   唔係因為佢批而好甜   而係個梨真係好甜好好食 ~

之後里奧大人無啦啦話想食蒟蒻   原來驚就快過期要一次過隊哂   於是睇下 Expiry Date 真係 6月就到期喇   今次里奧大人真係好醒喎 ~

~~~~

今朝食芝腿治烘底 + 奶茶 ($15)   星期六真係食咩都覺得好食呀 ~

今朝仲要係好離奇嘅一日   因為忙到 Update 唔到 Blog 呀 ~

晏晝勁勁勁勁開心   因為同媽咪 家姐又去 Ruby's Tuesday 食 Lunch   食咗 SpinArtichok Dip / Honey BBQ Ribs / BaconChz Bgr / Choco TallCake   咁家姐之前做咗會員   所以只需 $274   今餐又係媽咪請   食完就各自歸家喇 ~

燒肉 (外賣) + 磨豉醬炒脆肉瓜 + 芫茜皮蛋魚片湯 + 跑步機 ( MAY-2008 )

尋日噹媽喺我臨放工前教我煲芫茜皮蛋魚片湯比里奧大人飲   所以我就要趕頭趕命裙甩褲甩咁拿拿聲放工番屋企喇 ~

番到屋企又即刻換衫去做機   做完即 9 秒 9 跑去街市買餸   買 2 條鯇魚片 ($10) + 芫茜 ($2) + 2 條脆肉瓜 ($5) 就飛番屋企煮飯喇 ~

因為里奧大人已經歸家途中   所以我必須加把勁   務求可以喺里奧大人番屋企就即刻有飯食   我真係絕對係一個好太太呀 ~

不過一下子唔可以比自己太辛苦嘅   所以就叫里奧大人買太興燒肉做餸喇 ~

是日懶餐 : 燒肉 (外賣) + 磨豉醬炒脆肉瓜 + 芫茜皮蛋魚片湯 ~ 

燒肉 (外賣) - 我突然間好想食皮   所以叫里奧大人買 $20 燒肉   點知太興最少要買 $30   多咗可以留番嚟炒冷飯嘛   一番到屋企里奧大人話以為 $30 係好多添   因為佢話燒肉佬拎住好大嚿咁問佢呢嚿啲肥瘦程度啱唔呀 ?!   里奧大人話啱呀啱呀   心裡暗暗歡喜啦   $30 原來有咁大嚿   點知正想從心裡面笑出嚟嘅時候   燒肉佬就喺嚿大燒肉度切咗一刀   切咗一條超細嘅出嚟放喺盒度   里奧大人先知道原來 $30 係得咁少咋   最後都係食得哂啦   因為實在太小喇 ~

磨豉醬炒脆肉瓜 - 用磨豉醬炒   惹味 ~

芫茜皮蛋魚片湯 - 噹媽話啲魚佬實會幫妳切片   呃人嘅   要我番屋企洗乾淨自己切呀   切片因為感覺好似分屍咁   所以我迫不得已用鉸剪厚厚咁剪   啲感覺都唔好㗎   但無辦法   我以前好憎食芫茜   同埋我覺得年紀大嘅人先鍾意食呢啲嘢   點知而我居然會唔抗拒 (生芫茜除外)   唔認老唔得喇 ~

食完飯   洗完碗就煲中藥   之後沖涼   未停過   後尾真係攰到頂點   所以好無奈咁叫里奧大人熨佢自己嗰幾條褲喇 ~

之後無無聊聊走去食薄荷朱古力膠布   都好重薄荷味   但好黑仔   食完真係要黐真膠布   因為食完去開信   比把開信刀 "吉" 親留血   十指痛歸心呀 ~

~~~~

今朝天氣又好好   最緊要係有太陽同有風 ~

心情幾靚   所以想食飽啲   食沙爹牛肉蛋米粉 + 奶茶 ($18)   食完好滿足咁番公司 ~

番到公司居然有嘢做   人家 Holiday Mood 喎   等下先啦 ~

晏晝同里奧大人食 Set Lunch 啦   Share 鱆魚冬菇雞粒蒸飯 + 炸魚腐 + 熱菊花茶 ($35)   呢餐真係又飽又平   因為早餐未落格   食完兜個圈就番公司喇 ~

美 白 漂 牙 產 品 成 效 因 人 而 異

有 病 齒 不 可 漂 白

香 港 牙 醫 學 會 會 長 梁 世 民 表 示 ， 用 作 漂 白 牙 齒 的 是 一 些 牙 科 用 漂 白 劑 ， 漂 白 劑 的 化 學 物 質 會 氧 化 牙 齒 本 身 色 素 ， 令 牙 齒 變 白 ， 至 於 藍 光 、 激 光 等 ， 作 用 只 是 提 供 動 力 予 漂 白 劑 ， 促 使 其 加 快 本 身 的 化 學 作 用 ， 故 若 漂 白 劑 無 效 ， 用 光 也 沒 有 用 。 由 於 漂 白 劑 易 令 使 用 者 敏 感 ， 故 現 時 市 面 出 售 的 美 白 牙 齒 漂 白 劑 ， 劑 量 及 濃 度 不 可 以 太 高 ， 效 用 因 人 而 異 ， 至 於 在 牙 醫 診 所 進 行 漂 白 ， 劑 量 則 可 以 較 高 。
梁 醫 生 提 醒 ， 如 有 牙 周 病 、 蛀 牙 、 牙 肉 萎 縮 等 病 症 ， 絕 不 可 以 漂 牙 ， 以 免 造 成 更 嚴 重 傷 害 。 

清淡的一餐 + 跑步機 ( MAY-2008 )

尋日里奧大人感冒   早咗放工番屋企休息   病就梗係無胃口啦   所以話去食粥喎 ~

食粥無問題吖   我都幾鍾意食嘅   最緊要係唔駛我煮啫   我食艇仔粥 + 油炸鬼   里奧大人食車仔粥 (火鴨絲 + 牛肉碎 + 蠔豉) + 鹹肉糉   其實我最想食豬潤粥   但只有豬潤腸無豬潤粥噃   奇怪...原本自己人食一孖油炸鬼係好辛苦㗎   油到吖   估唔到食粥仲飽過食飯   所以要行一陣先番屋企呀 ~

抖咗 1 個鐘頭就自己去做機喇   唔知做咩鬼   越做越攰咁   不過我都堅持做半個鐘頭 ~

番到屋企勁攰   即刻煲藥同埋沖涼   再睇一陣電視   10 點半就去瞓喇 ~

~~~~

今朝天氣非常好   但就好乾燥   不過都唔錯   起碼啲衫好快乾嘛 ~

   
呢排可樂上身   差唔多日日都飲少少   真係要食芝士補番啲鈣質   所以食芝蛋治烘底 + 咖啡 ($15) ~

今朝好在有啲嘢做咋   如果唔係真係無原動力番工呀 ~

晏晝同里奧大人去 Ikea 食 Lunch   食蕃茄醬肉丸 + 匈牙利雞肉意粉餐 ($45)   今餐平好多   最正係靜靜哋嘛 ~

經文分享 :

小子們哪 : 我們相愛, 不要只在言語和舌頭上, 總要在行為和誠實上

(約翰福音 3 : 18)

黑椒豬扒湯麵 + 隔夜湯 + 跑步機 ( MAY-2008 )

尋日喺公司連出幾篇 Blog   放工走嘅時候條腰痛到不得了   掛住打嘢都唔記得自己嘅坐姿正唔正確添 ~

食完個麥記之後個肚搞搞下   都應該係啲薯條太油膩喇 ~

一早醃好咗豬扒   所以唔駛趕去街市買餸 ~

番到屋企即換衫做機   做完就要即番屋企煮飯   咩都要即刻   如果唔係唔掂 ~

是日懶餐 : 黑椒豬扒湯麵 + 隔夜湯

黑椒豬扒湯麵 - 就咁煎   無蘸任何醬汁   但都好好食 ~

隔夜湯 - 有大量粟米   唔駛特登再煮菜 ~

洗完碗沖埋涼真係好想熨衫   但真係太攰   所以最終都係無熨 ~

~~~~

今朝去食炒米粉 + 奶茶 ($13)   好在碟米粉唔鹹   但就一樣咁多油囉 ~

晏晝同里奧大人食車仔麵   食咗六十蚊   我覺得好貴呀   但又幾好味同埋份量都唔少 ~

黑椒豬扒炒茄汁通粉 + 青紅蘿蔔粟米湯 + 跑步機 ( MAY-2008 )

尋日難得早起   所以食完早餐抖抖就做機喇   出咗一身汗   成個人都舒服哂呀 ~

我預計自己會好忙   真係如我所料   成日未停過喺度做做做 ~

番到屋企要煲中藥   之後喺度執衫   到 2 點幾就食 Tea   食黑椒牛肉炒意粉 + 墨丸魚餃湯濛   食完又番屋企開工喇 ~

又係執執執   執到腰骨痛   但又想一氣呵成唔想停   所以拚老命都要再執   誓要執到整整齊齊為止   抖一抖就要去預備煲湯喇 ~

是日懶餐 - 黑椒豬扒炒茄汁通炒 + 青紅蘿蔔粟米豬展湯

黑椒豬扒炒茄汁意粉 - 一碟上唔駛煩 ~

青紅蘿蔔粟米豬展湯 - 過有湯飲又有渣食   唔好浪費 ~

沖完涼終於可以抖抖   一路食西瓜一路睇電視喇 ~

~~~~

今朝食芝蛋治 + 熱央 ($15)   幾日無食   覺得好鬼好食 ~

番到公司做埋少少嘢就要 Update Blog 喇   所以今日好忙 ~

晏晝同里奧大人食麥記   食至尊漢堡餐 + 辣雞腿包   食完又行下 ~

小草屋 @ 將軍澳中心 ( MAY-2008 )

尋日食完晏就去水姑屋企打牌 lu    不過同里奧大人行咗一陣 $10 店先上佢屋企   因為好難見到有 $10 店嘛 ~

去到水姑屋企   見到個罐頭山已經 O 哂咀   佢仲話之前仲多   同埋仲有啲未攞出嚟喎   點解咁多係因為唔知自己買咗又買囉   最高記錄係 70 支細蠔油   佢一鍾意食就狂買   對上一次見到有 10盒大嘅粟米片   但咁多又真係食得哂喎   我覺得食唔厭先好嘢   水姑話佢同事好驚雞扎   係因為水姑連續食咗兩年   佢聞到都好想嘔呀   兩年可以食同一樣早餐   咁專一真係好難搵㗎 ~

佢屋企養咗隻波斯貓   好似 BB 仔咁任妳抱   啲毛又滑嘟嘟咁   勁得意呀 ~

差唔多成 5 點先開枱   打到 7 點幾就去小草屋食飯喇   好在水姑識人   可以喺食飯時間有位咋   如果唔係就要 9 點先有得食呀   去到只係有 1 張 Menu + 母親節套餐   所以散叫算喇   食鵝片 + 紅燒豆腐 + 炸雙棗 + 欖菜炒四季豆 + 蜜餞牛肉粒 + 什菜煲 + 蠔仔粥   去小草屋必食蠔仔粥   因為好多料同埋無咩味精咁   正呀 ~

食完又係再打   打到成 12 點   今次又係我嬴   又係嬴哂里奧大人啲錢   好在坐對家   唔係以為我哋打龍通添呀 ~

太夜喇   所以打的再轉小巴   番到屋企沖埋涼成 2 點先瞓呀 ~

~~~~

今日放假   但瞓到 9 點幾已經醒咗   咁唯有同里奧大人去太興食早餐啦   食火腿絲通粉餐 + 餐肉蛋出前一丁   水準差咗好多喇 ~

食完再同里奧大人去買餸   豬展 ($20) + 豬扒 ($17) 紅青蘿蔔 ($10) + 3 條粟米 ($7) + 西瓜 ($21) 就番屋企喇 ~

慶祝母親節 @ 媽咪屋企 ( MAY-2008 )

尋日飲完茶即刻上媽咪屋企打牌喇   打到 3 點幾   里奧大人話有啲眼瞓   所以一齊食 Tea   食油醬多 + 鮮油多 + 涷央   之後再打   打到 7 點幾就開飯喇 ~

是日母親節晚餐 - 喼汁骨 + 勁辣咖哩魚蛋 + 茄汁蝦碌 + 煎倉魚 + 菜心 + 花膠淮山豬展湯 + 芒果糯米糍

喼汁骨 - 我整嘅   跟李派林喼汁食譜   .媽咪 家姐同工人都話好味   應該唔會呃我嘅 ~

勁辣咖哩魚蛋 - 家姐鍾意辣   所以加咗指天椒   今次用一湯匙咖哩醬   所以無咁苦   只係買咗 3 蚊魚蛋咋   真係又抵又好味呀   哈哈 ~

茄汁蝦碌 - 家姐工人整嘅   知道家姐好鍾意食辣   所以又加埋指天椒一齊炒   辣到噴火 ~

煎倉魚 - 家姐工人煎嘅   今次煎得好好食 ~

菜心 - 清甜   因為啲餸真係好辣 ~

花膠淮山豬展湯 - 好飲   因為好耐無飲湯喇 ~

芒果糯米糍 - 我整嘅   但用少咗糯米粉   唔煙韌呀   搞到我無哂心機 ~

食完再打 4 圈就番屋企喇   今次我嬴錢   仲要係嬴哂里奧大人嘅錢呀 ~

今日係最開心嘅一日   因為見到哂我最深愛嘅人 ~

~~~

今朝同里奧大人番自己教會   所以 9 點半要起身 lu   喺教會附近食早餐   Share 食炸兩 + 雪菜肉絲米粉   好耐無食炸兩   超好味呀 ~

祟拜完就同 Ivy Jack 一齊食晏   本來想飲茶   但母親節太多人飲   所以就去食上海嘢喇   食小籠包 + 鍋貼 + 生煎包 + 回鍋肉 + 鏝頭   今次 Ivy 請 ~

食完又要趕下場   因為約咗奶奶同水公打牌呀 ~

Shopping + 甜品 ( MAY-2008 )

尋晚放工就即刻走喇   因為約咗 CC 去旺角 Shopping   講明爭取時間唔可以食飯   只可以邊行邊咬嘢   所以襯佢未嚟之前   去花園街奇趣餅家買塊燒餅打底   熱辣辣又煙韌   真係好鬼好味   唔食有遺憾呀 ~

CC 話 KFC 出咗個芝士波好似好正咁   所以我咪買嚟同佢 Share   點知芝士波細到呢   仲細粒過我整啲魚蛋呀   又無芝士味   $9.8 得 5 粒   佢以為我食淨比佢添呀 ~

食完就行花園街   好在有收穫   再行聯合廣場之後就去石磨坊食甜品 lu   食芒果撈河 + 芒果黑糯米芝麻卷    今次 CC 請 ~

~~~~

今朝勁啦   7 點起身 Ready 煮嘢做母親節禮物喇   就係整喼汁骨 + 勁辣咖哩魚蛋 + 芒果糯米糍喇 ~

因為要燜喼汁骨嘅關係   所以順便拖地   嗰刻覺得做全職家庭主婦都好辛苦下 ~

煮嘢再加上沖埋涼   10 點幾先出門口呀   所以約家姐去大快活食早餐 Share 食牛扒滑蛋 + 奶茶 ($20.5)   家姐未到   但唔叫定又唔得   因為 11 點無早餐食㗎喇   新鮮熱辣嘅早餐賀係好吸引   如果自己食咗先好似好衰咁   所以等埋家姐先一齊食   雖然涷冰冰無咁好食   但我都係鍾意一齊食開心啲 ~

之後一齊去媽咪屋企 lu   坐咗陣就一齊去附近飲茶   到咗無耐里奧大人都到埋喇   菜心魷魚牛柏葉 + 煎魚餅 + 齋粉包 + 鹹魚肉片飯 + 灌湯餃 + 蘿蔔糕 + 山竹牛肉 + 豬腳薑    呢餐里奧大人請   因為當母親節禮物喎   食完就上媽咪屋企打牌喇 ~

海南雞肶飯 + 魚柳蜜桃沙律 + 跑步機 ( MAY-2008 )

尋晚好開心喎   因為可以同里奧大人一齊放工   真係好難得   依家里奧大人仲未咁忙   所以一定要好好珍惜一齊放工嘅日子 ~

我話煮臘味飯 + 罐頭粟米湯做晚餐   因為好似好耐無煮過飯咁   里奧大人就話諗諗先   唔係佢唔想食我煮嘅嘢   而係話唔想我咁辛苦喎   諗到番屋企就話去食海南雞飯   咁是但啦 ~

去完買生果再去餐廳食飯   真係好 Enjoy 呢啲生活呀 ~

由於我要進行減肥計劃   所以一飯一沙律   海南雞肶飯套餐 + 魚柳蜜桃沙律套餐   但個汁就唔係好掂   可惜可惜   埋單 $110 真係抵   因為啲份量真係好多 ~

晚餐咁肥膩   同埋唔知係咪呢排無做運動   瞓得唔好   所以抖咗陣就同里奧大人做機 lu ~

太耐無做   有啲吃力   不過我會堅持   因為我未試過會咁堅持 ~

番到屋企真係有啲攰   沖埋涼   睇陣電視   11 點就瞓喇 ~

~~~~

今朝好熱呀   不過巴士又好涷喎   所以一定要有外套跟身   如果唔係遲早病呀 ~

成日食包做早晨食到有啲悶   所以食炒米粉 + 奶茶 ($13)   碟米粉鹹到爆   日日咁食真係食到腎有事呀   又油   呢餐食得好慘 ~

晏晝自己買車仔麵 ($17) 番公司食   自己一個食有啲唔慣添 ~

尋日里奧大人話出面食一個 Lunch Set 閒閒哋要三十幾   最慘係食唔哂   所以叫我第時唔好帶飯   一齊出去 Share 食仲好喎   咁又幾好嘅   又可以見下又唔會嘥嘢   食完仲可以行一陣幫助消化   一於係咁話啦 ~

川滬小館 @ 大埔 ( MAY-2008 )

尋日同里奧大人 Lunch 之後   番到公司肚屙咗 3 次   之後又胃痛   無哂心機   不過好在里奧大人無事咋   如果唔係我就唔安樂喇   因為係我提議去嗰間餐廳度食嘢嘛 ~

本想諗住晚餐煮水蛋同炒粒粒   但咁嘅情況下都係唔煮   因為無心機   煮咩都會唔好食   無謂嘥時間啦   而喺坐車番屋企途中   突然好掛住台灣嘅生煎包   所以疊埋心水唔煮飯   去川滬小館食生煎包同小籠包算喇 ~

唔知點解尋晚成條街都無咩人   7 點幾食飯時間喎   平時排長龍嘅壽司店有好多吉枱   去到川滬又係好多枱比妳任坐   所以我揀咗個對住電視嘅卡位   一路食一路傾一路睇   幾正呀 ~

食咗小籠包 + 生煎飽 + 涼拌鮑片 + 排骨湯麵 + 蒜蓉炒白菜仔 + 酒釀丸子   埋單 $130   味道唔錯   特別係酒釀丸子   超好味   不過如果係桂花丸子更好   清香啲   同埋我唔係咁鍾意有酒味嘅嘢   但碟菜就少得離奇囉   仲要 $38   簡直搶錢呀 ~

尋晚都無做機   所以熨到啲衫直一直就當做運動   再煲埋藥   執下嘢已經 10 點幾   仲未沖涼添喎   點解啲時間過得咁快嘅 ~

~~~~

今朝天氣又係唔錯   所以心情都靚好多 ~

飲完啲中藥   搞到我個口好苦   所以食甜甜地嘅芝腿菠蘿包 + 咖啡 ($17)   之前幾日食仲係 $15   依家 $17   一貴就貴 $2   真係咩鬼都貴 ~

依家番到公司樓下就會好開心   因為可以望到里奧大人嗰座 Building   就好似望到里奧大人咁   所以次次都會笑住嚟入公司 ~

晏晝又同里奧大人一齊食喇   不過大家都無咩胃口   所以只好選擇食車仔麵   食完行一陣又要分道揚鑣喇 ~

味千拉麵 @ 大埔 ( MAY-2008 )

星期一無 Mood   雖然遲到   但都要食埋早餐先番公司   就係食吞拿魚治烘底 + 奶茶 ($16)   如果唔係啲時間真係好難過 ~

好在無咩嘢做   晏晝又同里奧大人一齊食 Lunch 喇   Share 食串燒雞串拚薄牛扒意粉 + 熱檸茶 ($32)   難食到呢   好在我咁啱無胃口   唔係就要嘥多份嘢食喇 ~

依家無嘢做喺度諗   自己係咪好小氣   因為我已經無再同嗰條友打招呼   就係食飯成日要我比錢先嗰條友   本來都唔憎佢   但就因為呢件事令到我憎到佢不得了   事緣係 Annual Dinner   同事 C + W + l 係 Frd 底   約埋條友打牌 (l 同條友係同 Department)   咁條友同我講話唔想打   我話唔係嘛   約哂人喇噃   條友話驚佢哋打得好勁   夾埋嚟坤佢   我話妳一早問人打幾大嘛   同埋啲師奶唔會打好大嘅   條友話不如同我一齊輪流打   我話唔喇   妳自己打啦 ~

妳話條友幾賤吖   唔知大哋打幾大   又唔知人哋會唔會坤佢   居然要我一齊落搭   妳話係咪路呀   好嘢又唔見妳話叫我一齊 ?!   自此之後我已經當佢隱形   我見到佢都會扮見唔到佢   我真係唔想咁假對佢笑   而我仍都真係笑唔出 ~

個人仲係好攰   跟本仲未有頭緒煮咩好   所以就同里奧大人去味千拉麵食晚餐喇 ~

食味千拉麵 + 蒜片雞腎 + 餃子 + 炒雜菜   唔知點解   硬係覺得所有嘢都無咩味咁嘅 ?!   埋單 $121   本來想做會員   但今次啲嘢食真係麻麻   可能隔一排先去   所以都係唔做喇 ~

番到屋企又要開始煲中藥.   排無煲   再煲嗰陣濃濃中藥真係幾難頂 ~

~~~~

今朝天氣好清涼...真係好舒服...心情都靚百倍呀 ~

空肚飲藥已經有啲飽肚   所以食奶油多 + 奶茶 ($13) 就番公司喇 ~

菇場一片死寂   妳話無得上網係咪好慘吖 ~

同里奧大人食 Lunch   食四寶米粉同豬扒腸仔米粉   難食到爆   幾個月前食仲好好食   估唔到改咗名之後就咁難食 ~

無嘢做又諗下自己   其實自己都好易滿足.   要比我見到里奧大人 媽咪 家姐 朱朱有舒適嘅住所   有冷氣   可以沖熱水涼   有洗衣機   有錢買自己鍾意嘅嘢 / 食嘅嘢   有能力賺錢 / 駛錢   每年去一次旅行   有得上網 / MSN 咁就得好滿足喇 ~