蒿麥冷麵 + 餃子 + 牛油香草粟米 + 煙三文魚 + 蕃茄薯仔紅衫魚湯

尋日五一勞動節...所以有勞動嘅就要放假一天!!不過勞動假唔係比妳休息...而係比妳更加勞動

九點半里奧大人就起咗身...悶悶不樂咁喺廳睇書等我起身...好在我咁啱起身去洗手間...見到佢咁可憐 ...所以我都唔瞓...一齊去食早餐喇...食腸蛋煙肉公仔麵 ...里奧大人就食炸菜肉絲麵...咖啡...個麵雖然白雪雪無咩味咁...但其實好好味架噃...我覺得

番到屋企同里奧大人一齊執書柜...里奧大人終於育放棄儲咗多年嘅公仔書...咁樣個書柜就可以清咗三分一喇...亦都可以將放喺其他柜嘅書放埋一齊...再分類...真係好整齊呀

執咗個幾鐘就同里奧大人做機...好辛苦做咗半個鍾跑步機先消耗咗 100 卡路里...咁我咁食法...真係跑半日都唔掂呀...所以我決定唔比自己食咁多...真係要減肥...唔係 keep fit 喇 

之後再去買防潮防臭用品...再去街市買餸菜... 耐無滾湯...所以買咗蕃茄薯仔 ($9) + 三條紅衫魚 ($13) + 三支粟米 ($7) + 大木瓜 ($12) 就走喇

番到屋企熨衫...沖涼...執下嘢又已經兩點半...時間過得真係好快...又要食 tea 喇...里奧大人想去食麥記喎...是但啦...橫掂我都好想食 shake 薯條...食咗至尊漢堡餐 + 魚柳包 + 紅豆批...樣樣都好食...但個批就甜到上腦呀

食到咁飽...當然一定要行下啦...所以就去 jusco 買晚餐喇...買餃子同三文魚...跟住就番屋企抖喇

執開有條路...所以順便執埋放相薄嘅柜...以前好鍾意睇番 n 年前 d 玉照...但依家勁唔想睇...因為真係脹爆咗好多...好肥膩...依家仲要次次睇親都要鬼鬼祟祟咁睇...因為唔想比里奧大人恥笑呀

執完相又係時候煮晚餐喇 

是日晚餐 - 蒿麥冷麵 + 餃子 + 牛油香草粟米 + 蕃茄薯仔紅衫魚湯
蒿麥冷麵 - 又要煮又要過冷河又要雪涷...我覺得幾麻煩...不過里奧大人話好想食...咁就無辦法啦 

餃子 - 包裝煮法 : 煎一分鐘...加小小水冚蓋四分鐘...再煎到收哂水同埋黃金色就 ok...但都唔黃金色嘅...煎到甩哂底...同灼嘅一樣款嘅

牛油香草粟米 - 超易整...又好味 

蕃茄薯仔紅衫魚湯 - 太耐無滾湯...所以又係滾番呢過好味好味好好味嘅湯

雖然全日都好忙...但我用好輕鬆嘅心情做嘢...所以一 d 都唔辛苦...仲好開心...如果平時都學曉放咗工都可以用輕鬆嘅心情做任何嘢就好喇 

  

      

今朝遲到...所以只可以去 kfc 買鬆餅 + 奶茶 ($11) 番公司食

唔知點解...無咩 mood 咁...做咩都懶洋洋

晏晝超開心...因為同媽咪...家姐去大榮華飲茶...食牛骨髓炒麵 + 牛柏葉 + 煎魚餅 + 炸雲吞 + 白蓮蓉包...唔係咁飽...但掛住傾計傾到唔想食嘢