香煎龍脷柳 + 蒜蓉薑粒炒青豆 + 隔夜湯

好耐無食過魚...所以同里奧大人去 jusco 買急涷龍脷柳做晚餐喇...
天氣好焗...咩都無 mood 做...里奧大人又做功課...又無電視好睇...所以求其執下柜...mark 低一部份食物同調味料嘅份量同 expiry date...唔駛到時又過哂期嘥哂 d 嘢嘛

想他他條條睇獎門人...所以 6 點幾就 ready 晚餐 lu 

是日懶餐 : 香煎龍脷柳 + 蒜蓉薑粒炒青豆 + 隔夜湯
香煎龍脷柳 - 平時就會用黑椒汁...但里奧大人啱啱好番唔想食辣...所以就用韓國醃雞肉醬料做汁...甜甜地幾好味...我好怕整魚...次次整完原都覺得條魚好腥好難食架 

蒜蓉薑粒炒青豆 - 前日炒蛋用淨嘅...所以食埋去...不過我覺得好難炒...因為唔識睇熟唔熟...所以炒 7 分鐘焗 5 分鐘...咁應該熟喇啩

隔夜湯 - 超甜超多湯渣 

食完洗完沖埋涼...再有時間比我敷 mask...之後時間啱啱好...可以同里奧大人坐定定睇獎門人...不過今集 d 嘉賓唔係咁吸引同埋咁好笑囉

   

今朝里奧大人無帶電話...同埋出門口無關鐵閘...咁都得嘅 

要比番電話里奧大人...所以喺里奧大人公司附近食早餐...食腸仔蛋炸菜肉絲米 + 奶茶 ($19)...一食一路等里奧大人拎番電話呀

番到菇場

晏晝公司同同事去美心皇宮 farewell...有 free lunch 喎...幾好呀 

我好鍾意睇酒樓出面果寫住 d 咩府咩府聯婚架...因為有 d 真係好搞笑...家姐話見過有間酒樓有兩個牌左右寫住...毛錢聯婚...何府宴客 --> 偕音 : 無錢聯婚 何苦宴客...都唔知係咪有心玩嘢呀