慶祝母親節 @ 媽咪屋企 ( MAY-2008 )

尋日飲完茶即刻上媽咪屋企打牌喇   打到 3 點幾   里奧大人話有啲眼瞓   所以一齊食 Tea   食油醬多 + 鮮油多 + 涷央   之後再打   打到 7 點幾就開飯喇 ~

是日母親節晚餐 - 喼汁骨 + 勁辣咖哩魚蛋 + 茄汁蝦碌 + 煎倉魚 + 菜心 + 花膠淮山豬展湯 + 芒果糯米糍

喼汁骨 - 我整嘅   跟李派林喼汁食譜   .媽咪 家姐同工人都話好味   應該唔會呃我嘅 ~

勁辣咖哩魚蛋 - 家姐鍾意辣   所以加咗指天椒   今次用一湯匙咖哩醬   所以無咁苦   只係買咗 3 蚊魚蛋咋   真係又抵又好味呀   哈哈 ~

茄汁蝦碌 - 家姐工人整嘅   知道家姐好鍾意食辣   所以又加埋指天椒一齊炒   辣到噴火 ~

煎倉魚 - 家姐工人煎嘅   今次煎得好好食 ~

菜心 - 清甜   因為啲餸真係好辣 ~

花膠淮山豬展湯 - 好飲   因為好耐無飲湯喇 ~

芒果糯米糍 - 我整嘅   但用少咗糯米粉   唔煙韌呀   搞到我無哂心機 ~

食完再打 4 圈就番屋企喇   今次我嬴錢   仲要係嬴哂里奧大人嘅錢呀 ~

今日係最開心嘅一日   因為見到哂我最深愛嘅人 ~

~~~

今朝同里奧大人番自己教會   所以 9 點半要起身 lu   喺教會附近食早餐   Share 食炸兩 + 雪菜肉絲米粉   好耐無食炸兩   超好味呀 ~

祟拜完就同 Ivy Jack 一齊食晏   本來想飲茶   但母親節太多人飲   所以就去食上海嘢喇   食小籠包 + 鍋貼 + 生煎包 + 回鍋肉 + 鏝頭   今次 Ivy 請 ~

食完又要趕下場   因為約咗奶奶同水公打牌呀 ~