元綠壽司 + 8 號風球 ( 黑格比 )

( 三文魚手卷 )

( 燒墨魚鬚壽司 )

( 素魚翅海蜇壽司 )

( 炭火燒鰻魚壽司 )

( 天婦羅蟹柳壽司 )

( 炸八爪魚丸 )

( 冷辣辣麵 )

( 勁乾勁鹹嘅免費酸薑 )

尋日講咗話 6 點前掛 8 號   但公司高層無反應   眼見朋友走清光   里奧大人又一早番到屋企   真係好無癮呢   真係無哂 mood   想我做嘢都幾難呀   好在我都有卡姑陪我 m 到放工咋   如果唔係覺得自己好似棄嬰咁呀

放工唔大雨   但就超大風   不過喺街度又唔係話特別多人   計咩   我估人地一早放哂番屋企啦

因為驚塞車   同埋唔知要等幾多架巴士先上到車   所以穩陣 d 搭地鐵   火車再轉接駁巴士番屋企   轉到頭暈兼腳軟 

打比里奧大人   佢話唔好煮喎   驚我辛苦咁話   但我仲有醃咗嘅豬肉   佢話算啦   幾蚊唔好要啦   去元綠食啦

雖然覺得好浪費   但見佢盛意全全   所以就去元祿食壽司喇

去度得兩個人   又得幾碟壽司喺度轉轉共   好似作收工咁   但問 d staff 又話唔係   所以就安心坐低食嘢喇

今次唔係食好多   因為我無咩胃口   但今次就好抵   因為有 2 張 78 折 coupon   咁下次食又可以平 d 喇 

今次打 8 號風球對我心情無咩影響   唔會話好興奮   因為明知第日要番工   點解咁早吹到黎呀

以前大埔墟火車站嘅隧道有檔砵仔糕好好味   又多豆又平   不過自從火車站裝修之後就唔見咯   但打風就實會見到佢   可能唔會比人捉啩   所以里奧大人尋日見到就即刻買 3 個 ($10) 番屋企 煙煙韌韌勁好味呀

  
  

       

今朝出門口天氣又唔係好差   只係落毛毛雨   仲要係可以唔駛拎遮果隻喎   

但經過屋企附近   見到棵樹斷咗   咁即係都幾大風力下   但尋晚真係聽唔到風聲喎   同上次鸚鵡差好遠喎   可能打唔正我果邊啦

早餐又食芝腿菠蘿包 + 凍鴛鴦 ($17)   因為要快   我唔想成日咁遲番公司呀

番到菇場超眼瞓   後尾先醒起自己頭先食咗傷風感冒 panadol   所以好眼瞓   依家改咗包裝    都幾方便   2 粒一包   但就唔係好環保咁囉 

中下中下又中到 lunch time   唔想行太遠   所以同里奧大人去最近公司嘅茶餐廳食嘢   落大雨都唔驚啦

( 麻辣炸魚腐豬扒魚麵 )

( 干炒牛河 )