茄汁海鮮焗天使麵 + 蒜蓉包 + 粟米湯

我覺得自己都算係一個性格樂天嘅人   但我又會為 一 d 事會唔開心幾日喎   咁都唔知算唔算係樂天呢 

我個人好怪   憎人會憎好耐   就算做 一 d 令我感動嘅嘢 ( 以為我會感動 )   我都覺得會係好假   我係 feel 到的   妳呃到所有人   但呃唔到我   講真   我觀察人都幾準   我係觀察人好耐先會講出黎   唔會單單為一件事而講   所以唔好以為做小小嘢可以氹到人   妄想啦   知妳為人係點   所以唔想同妳斤斤計較先費事話妳咋   做人最緊要問心   拎個心出黎做人   唔好下下靠表面   又唔知道係人都知妳假喎   講起都嘔心呀 

我要多謝 blog 友   冰姑同卡姑   聽我日日係咁呻   知我好易發火   又會安慰我   我都好開心喺虛擬嘅網絡世界可以識到佢地   仲會日日 msn ( 小公主都會 m   但佢好忙   唔敢煩佢   驚比佢鬧 )   講真   唔同佢地 m 真係有 d 唔慣   因為同佢地 m 已經成為生命中好重要嘅一部份   ( 豬豬妹 妳都 m 啦   m 方便好多架   咁我地可以日日見面嘛 ) 

我講嘅係真心話   同佢地 m 真係好開心   所以我番工都有原動力架 

尋晚放工好想整蒜蓉包   所以去 panash 買咗個細法包 ($6.5) 就番屋企   其他就唔駛買   因為煮嘅嘢唔係急凍就係罐頭   唔駛特登去街市買呢

是日晚餐 - 茄汁海鮮焗天使麵 + 蒜蓉包 + 粟米湯
茄汁海鮮焗天使麵 - 我覺得自己整嘅天使麵 d 口感好難食   所以我食咗好小   但里奧大人就話好食囉   梗係啦   難得我煮   唔好食都要話好啦   所以對佢嘅說話有所保留 

蒜蓉包 - 焗到脆卜卜   勁好味   但我覺得太多牛油   好漏呢   最慘係里奧大人話喉嚨唔舒服   一件都無食   一個人食咁多件   我開始有 d 怕 

粟米湯 - 清清地加蛋花算喇 

食完洗碗   又要熨衫   真係好計攰

  

      

今朝無啦啦落大雨   但落完雨都係好熱囉

happy friday   所以早餐食好 d   食吉列魚柳拼火腿蛋多士 + 熱奶茶 ($20)   超飽   但食得超開心

番到菇場作頭痛   無哂心機

早餐食得太飽   所以晏晝同里奧大人去食粉麵   食墨魚丸河 + 牛腩麵 + 凍鴛鴦 ($47)   食嘅時候加辣椒油加醋   勁好味呢 

發