住家麵 @ 媽咪屋企 + 瑜珈

又到每星期最開心嘅日子 lu   因為係同家姐 cc 做瑜珈   然後就番媽咪屋企食飯喇

天氣太熱   同埋做完運動唔想食飯   所以媽咪只係煲湯 + 灣仔水餃湯烏冬   用豬肉  豬潤  蝦做湯底   個湯好甜   好好味呀   如果我自己煮就只會落味精粉咋 

食到個肚脹卜卜   又唔願郁   真係想唔肥都難呀

同媽咪   家姐一齊睇 " 家好月圓 "   我覺得多人睇好睇好多   因為番到屋企得自己一個人睇   巧悶呢   我要好大聲話 " 嘩   呀邊個邊個做得好好呀 "   咁先引到里奧大人出黎睇 dd 咋


     

      

今朝 7 點起身   同媽咪 朱朱一齊食早餐   不過個天陰陰作落雨   搞到個人都無咩心機咁

番到菇場要 pack file   熱到我丫   好在早餐食得飽   唔係肯定魂斷菇場呀

晏晝同里奧大人去美心食 lunch   share 食芙蓉蛋飯 + 凍奶茶   我好憎食芙蓉蛋   我覺得個樣好似嘔吐物   所以食到我巧辛苦   好在無咩胃口   咁里奧大人可以食哂去嘛

食完去食雪糕   因為家姐比咗張 coupon   10 月到期   再唔食真係唔記得佢嘅存在架喇   妳知女人 d 銀包有好多嘢家嘛 

尋晚好煩   睇完家好諗住瞓覺   點知媽咪無啦啦喊住問係咪已經安裝咗平安鐘   嚇到我成身汗   以為媽咪個心口唔舒服   原來係家姐遲 d 由將軍澳搬入元朗   所以驚有事無人理喎   其實就算家姐搬入元朗   家姐都會隔晚番媽咪屋企食飯   又可以過夜   又唔係搬咗唔番黎見妳   移民咩   同埋仲有我嘛   我都可以耐唔耐出黎食飯瞓覺家嘛   怕咩喎   又唔係話唔理佢   真係丫 

老人家係咁   見仔女鍾意就唔會講自己感受   但唔講又點知喎   家姐咁錫媽咪   如果媽咪唔想   家姐必定唔會咁做家嘛

不過又難怪媽咪唔開心嘅   我住大埔咁遠   點知家姐仲遠   一下子好似兩個都走哂咁   但又唔想我地唔開心喎   所以咪唔敢講囉


不過依家唔駛煩喇   因為同里奧大人決定年底搬番出市區喇   wakakakaka