住家飯 @ 奶奶屋企

尋日真係苦過 di di   朝早攬住鬧鐘唔願起身都知衰 ( 我平時唔會懶床架   唔舒服先會咁做 )   早餐飲奶茶都唔覺精神   已經 feel 到應該作病   頭又小小痛喎   但都接受到   點知放工仲痛得犀利   但到忍住唔食 panadol   因為食得太多 panadol 好傷肝腎   所以點都唔食   忍忍忍  

奶奶前日出院   所以放工同里奧大人去奶奶屋企食飯   但里奧大人未咁快收工   所以我去媽咪屋企坐陣   之後再 join 里奧大人去奶奶屋企

去到奶奶屋企就差唔多開飯 lu   但我個頭已經痛到爆   所以都無咩心機食   之後頂唔順   坐到 9 點就番屋企喇   最後喺等巴士番屋企期間頂唔順都係要食 panadol   因為食完可以坐車瞓下舒服 d 

番到屋企即沖涼   諗住瞓覺   但瞓唔到   所以 11 點幾先瞓  

 

      

今朝 6 點半起身   因為同媽咪 朱朱食早餐   咁早搭車 d 感覺真係好似去緊旅行咁   因為去親旅行   都係未瞓醒就已經坐緊旅遊巴出發去玩   好攰呢 

但一見到朱朱   我就會好開心   所以攰 d 都係值得嘅

食完又上媽咪屋企坐陣就番菇場喇