陰公咯 比每月一到嘅唔舒服 搞到個人勁唔舒服 仲要我打的番屋企添 真係肉赤到爆咯 好在依家有 8 折無咁傷咋
最慘係要食之前淋巴炎要食嘅抗生素 食到胃又痛 所以索性唔食喇
呢幾晚我覺得里奧大人好慘 又要做嘢 又要探奶奶 仲要無住家飯食添 呢幾晚都係要佢買外賣番屋企食咋 真係超無益呀
尋晚諗住清清地食韭菜餃 點知鹹到爆 ( 唔知係咪個湯太多榨菜粒呢 ) 食完仲 feel 到個口係苦嘅 真係人都顛呀
里奧大人仲衰 翻兜呢個超級多肉飯 仲駁咀駁舌話係菜飯 即係有菜啦 呵呵呵呵 痴線架
今朝仲係好口渴咁 所以食芝腿菠蘿包 + 凍奶茶 ($17) 飲完凍嘢真係好舒服 但番到菇場就胃痛呢 撞計
番到菇場要同即刻同卡姑 冰姑 msn 因為呢兩日無 m 過呀 所以番菇場真係好忙呢
里奧大人今日又番咗大陸 所以得番自己食 lunch 食豬紅豬皮韮菜米線 $14 咋 仲要係飽添喎 真係抵食下喎
沒有留言:
發佈留言