( 12-jul-2009 sun )
星期日喇 要番教會喇 去教會附近茶餐廳食早餐 今次我食雞批做早餐 又係因為雜誌話好食 想試試 估唔到又好味喎 個皮好鬆化 唔漏 但 d 餡就無乜味 如果唔係就更好呢
番完崇拜就去街市買嘢 之後即刻番屋企再沖涼 實在太熱喇
喺屋企涼住冷氣 真係好唔想出街食 tea 啊 但呢 自己又唔想整 無奈
熱到唔知食乜好 無乜選擇 所以又去食米線 酸酸辣辣易入口嘛
番到屋企又預備煲湯 之後就可以安心睇 dvd 今次睇 hancock 又係有 d 失望
是日晚餐 - 韭菜豬肉水餃 + 鯊魚骨姬松茸滋補湯
韭菜豬肉水餃 - 大熱天時 真係唔想食飯 食餃子就最好啦 我覺得 今次勁有心機包呀 之前包親實會有幾隻爆口 今次一隻都無 仲隻隻好靚 我真係不得不喺里奧大人面前 3 番 4 次讚揚自己啊 雖則佢只係點頭話係係係 但我都好開心架 呢個上湯其實只係加咗小小雞粉 叫做有 d 味咁囉 再加埋韭王 真係靚仔好多 無咁寡嘛
鯊魚骨姬松茸滋補湯 - 官燕棧湯包 加 $20豬展 & 2隻響螺頭 勁鮮甜啊
飯後果 - 青瓜沙律 加咗青瓜嘅沙律真係好味好多呢 我好鍾意食架
沒有留言:
發佈留言