糖醋喼汁骨 + 菜心 + 蔥花炒飯 + 老黃瓜赤小豆扁豆唐排湯 ( 26-jul-2009 )

( 26-jul-2009 sun )
10 點起咗身    如果朝朝可以 10 點起身就發達喇 

又去茶餐廳食早餐    不過里奧大人話開始有 d 厭喇   仲好啦   我都唔想佢食咁多公仔麵呀 

之後佢就跑步     我就熨衫   預備煲湯   燜定排骨      咁夜晚就可以他條 d 煮飯喇 

唉    打掃埋屋企都差唔多食 tea 喇    時間   真係過得好快呢 

太熱無乜胃口     但唔食 tea  又唔覺有假期 feel 喎    所以我食炸雞翼薯條 + 凍咖啡   好耐無飲   超好味呀    同埋我覺得凍咖啡   好多層次咁呀      里奧大人就食秋刀魚餐   d 辣汁超好味   我多數會係為咗 d 汁而食呢個餐呢 

番到屋企又係睇 dvd 喇     今次睇毛豆極力推介嘅   "亞波卡獵逃 "    都好睇   不過超血腥    一有呢 d 場面就飛    唔係唔掂啊 

是日懶餐 - 糖醋喼汁骨 + 菜心 + 蔥花炒飯 + 老黃瓜赤小豆扁豆唐排湯
糖醋喼汁骨 - 酸酸甜甜超好味    特登食完早餐就整架喇     入味 d  嘛     

菜心 - 10 蚊斤菜心呀     菜檔無寫到   我又無問到    如果唔係唔買啦   咁貴   之前買 8 蚊 2 斤架    唉   

老黃瓜赤小豆扁豆唐排湯 - 呢個湯超方便   又可以去濕行尿喎    所以 4 點幾就飲喇   費事夜晚成日去廁所呀 

蔥花炒飯 - 就咁加老抽黎炒    最緊要有顏色  好唔好味係其次呢  

飯後果 - 龍眼    無上次咁甜咁脆咁大粒啊    失望