蜜糖雞翼 + 炒三色椒 ( 19-jul-2009 )

( 19-jul-2009 )
唉   呢個 9號 " 莫拉菲 " 真係吹得好勁    瞓瞓下比 " fing fing fung fung "  聲咁嘈醒     最慘係 d 聲好似包圍住妳咁     嘈咗個幾鐘頭    3 點幾先瞓得着    好在唔駛番工    唔係人都顛呀

10 點 3 起身    有 d 攰但又瞓唔着    所以同里奧大人食完早餐   行過商場   d 樹都吹到入商場裡面   可想而知幾大風呢    

番到屋企熨衫    之後沖涼     再睇 dvd   今次翻睇 " 超級零零狗 "  因為覺得劉玉翠同王祖藍配音好搞笑   睇到真係開心好多呢

今次又去譚仔雲車米線食 tea    湯底要就番里奧大人    所以要麻辣 ( 5 小辣 )   點知一 d 都唔辣嘅    再加多碟尖椒皮蛋     麻麻地   我唔多鍾意有 d 醋味啊  

天陰陰   真係無乜 mood 做嘢咁啊    所以就咁坐喺度睇報紙  睇下電視算喇

是日懶餐 - 蜜糖雞翼 + 炒三色椒 + 蕃茄湯米線
蜜糖雞翼 - 煎香再加蜜糖   方便又好味   不過煎雞翼都要好多時間啊  

炒三色椒 - 就咁清清地煎黎食都唔錯喎    又係好方便呢

蕃茄湯米線 -  喺百佳試食    覺得幾好味  蕃茄湯都幾濃   所以就買一 pack     估唔到里奧大人都鍾意食呢  好彩 

飯後果 - 龍眼    拻哂殼   放入雪柜雪凍超正架 

( 20-jul-2009 mon )
噢   每月一痛   所以晏晝 S/L 番屋企休息    兩個半鐘頭嘅熟睡   真係好舒服呢
夜晚又係里奧大人買外賣番屋企食   陰公咯   不過無辦法啦   等佢食多幾日   咁先真正領會到原來我嘅住家飯係十分十分之好好好好味呢