釀雙椒 + 勝瓜野生竹笙魚滑湯 ( 8-jul-2009 )

( 8-jul-2009 wed )
太熱喇    所以都係去番菇場附近食早餐算喇   

菇場無嘢做     悶到吽哂     好不容易先諗到晏晝食米線呀 
出面真係好熱呀   行到半路摸下里奧大人  噢   隻手立痴痴    肯定好熱啦   因為平時佢只有凍唔會熱    佢知我想食米線    所以就繼續行    但我唔行啦    一陣佢仲暑就煩咯 
里奧大人夏天如果着裇衫嘅話   必定會長袖同埋着底衫或背心打底  佢話唔打底嘅話太多汗會啜住件裇衫好核突   但佢唔會着短袖裇衫   因為好有亞叔 feel     情願摺袖喎    噢      
最後我 "夾硬" 扯佢番轉頭去麥記食嘢算喇    食完行商場嘆冷氣舒服 d 囉 

唉   都唔明呢度 d 同事做乜嘅   一有事就即刻推卸責任    淨係識講 " 妳自己攪掂佢  唔關我事    妳自己攪掂去呀 "    我最憎呢  d 人    有問題係要解決   唔係搵邊個錯家嘛   何況我又無錯喎   講到好似我要負責咁   超討厭勁黑人憎呀 
呢單嘢會牽涉到 a/c   即係會牽涉到老闆    所以佢好驚   乜都話唔知  唔關佢事     妖   好似我錯咁         
無厘心機  行步路都覺得無力咁呀   但都會煮飯     我想養到里奧大人肥肥白白    所以呢個係我煮飯嘅原動力啊  
是日晚餐 - 釀雙椒 + 勝瓜野生竹笙魚滑湯
釀雙椒 - 有鯪魚肉剩   所以釀椒就最好喇  
勝瓜野生竹笙魚滑湯 - 兩大條勝瓜 + 4 條野生竹笙 + 5 蚊鯪魚肉      用 4 碗水滾 廿分鐘     其實用 3 碗水最好   但因為太多瓜    要用 4 碗水先可以勉強過哂面啊   d 魚滑點豉油胡椒粉好好味呀   下次就咁當湯飯食算喇    仲方便 
飯後果 - 哈蜜瓜   今次好甜呀   雪凍黎食真係好好味呀