燒肉 ( 外賣 ) + 芝士腸出前一丁 + 日式紅豆年糕 ( 16-jul-2009 )

( 16-jul-2009 thu )
早餐 : 沙爹牛肉包 + 奶茶    最鍾意食烘過嘅沙爹牛肉包    小小牛油   小小牛肉  小小生菜    好味呀   同埋最鍾意有飲管嘅熱奶茶   因為我覺得咁樣方便飲啊   飲完唔駛抹咀   超方便呀 

   

午餐 - 同里奧大人去茶餐廳食粉麵    雖然行得遠   但真係真係唔想喺公司附近食   好似成日困住喺一個地方咁   唔鍾意呀

晚餐 - 燒肉 ( 外賣 ) + 芝士腸出前一丁
燒肉 ( 外賣 ) -  其實一早諗好咗整豆腐火腩煲   點知里奧大人早過我番屋企  費事要佢等啦  同埋見到 d 皮脆卜卜燒肉     好想食啊   所以決定就咁食算喇 

芝士腸出前一丁 -  好在自己醒咋   無啦啦打開雪柜睇下   原來芝士腸 expiry  date 係今日     再打開廚柜   出前一丁就係 1/8    咁就一次過清哂啦   唔好浪費嘛 

甜品 - 日式紅豆年糕    用現成罐裝紅豆整   勁易整   年糕又勁韌   簡直超好味呀   食完呢個甜品真係好開心呀