雲桂香米線專門店 @ 大埔 ( 11-mar-2010 )

( 11-mar-2010 thu )

依家里奧大人會早我 20 分鐘起身   所以實會聽到佢鬧鐘響先   呢晚瞓得又唔多好   佢個鬧鐘 d 音樂又比例大聲   嚇一嚇   嚇到有 d 頭痛   所以醒咗都瞓唔番 lu ~  
唔想行咁遠   所以喺菇場樓下食早餐算喇 ~

Oh no   番到菇場凍到震   尋日就焗到暈   最怕咁樣呢 ~  
晏晝食 lunch box 呀   就咁帶蕃茄肉絲 + 炒粒粒   無飯架   可能太多蕃茄汁   好鬼酸呀   食完有 d 胃痛   撞鬼 ~
呢日真係無啦啦好唔舒服   成個人唔知點咁   想煮飯都真係有心無力咯   不過唔煮又好衰咁   所以就同自己講   如果去到超市見到靚嘅燒鴨就煮火鴨絲炆米   但如果唔靚就唔煮   呵呵呵   d 燒鴨真係唔靚喎   無乜肉嘅   唔通買2 pack 咩   買 2 pack 要 $5x   咁出去食好過啦   仲唔駛又煮又洗   水費都慳番啊 ~
最後同里奧大人去食酸辣米線   呢間本來要 Black List 佢架   不過今次要中辣都好辣   但里奧大人嘅小辣又無乜味喎   所以第時我會叫中辣   雖然對我黎講都算辣   但係食酸辣米線唔辣唔過癮呀 ~ 
自從新年買咗 d 花喺屋企之後   里奧大人就話間屋多咗好多生氣   生活和諧好多   心情都靚 d   所以依家都定時定候買 d 花   今次買咗隻唔知乜花   不過就好香囉 ~