沙士亞印度餐廳 @ 大埔墟 ( 20-mar-2010 )

薄脆 Papadam - 脆卜卜  不過好鹹點薄脆嘅醬   紅色酸酸辣辣唔錯   綠色唔記得乜味   不過我好驚係印度菜呢 d 綠色醬料什菜咖哩角 Vegatable Samosa - 熱辣辣脆卜卜   裡面係薯仔黎架   食完都幾飽肚串燒雞件 Chicken Tikka - 好香串燒味喎   不過真係覺得加埋 d 沙爹醬就更好啦   無咁乾香料雞 Chicken Masala - 唔覺特別   d 味應該調教到啱港人口味薯仔椰菜花 Aloo Gobi - 最怕椰菜花浸哂 d 汁   林上加林   口感唔好薄餅 Nan -就係呢個 Nan   我決定唔會再黎   因為我覺得食印度餐嘅薄餅好緊要家嘛   呢塊好似食麵粉咁   超難食呀啤酒

( 20-mar-2010 sat )
呢日要番工   不過老闆 OFF   所以我就可以他他條條食個早餐   再他他條條行番菇場   因為星期六實在好唔想番工呢 ~


家姐之前比咗 Free Ticket   所以同里奧大人一齊出九龍灣睇戲喇   睇 " 歲月神偷 "   因為無其他戲好睇 ~
同里奧大人去稻香飲茶   好耐無飲茶啦   點知 d 嘢唔好食嘅   噢 ~
煎餃子 - 唔夠熱呀菠蘿叉燒包 - 美心皇宮好味好多呀
XO 醬炒蘿蔔糕 - 無 XO 醬嘅   加幾粒紅椒青椒碎就當係   搵笨豆苗蝦餃 - 個皮煙煙韌韌都唔錯柚子蒸鴨掌 - 個汁鹹咗 d   同埋柚皮係苦架 南瓜果 - 一拻開張底紙就知唔煙韌喇
楊枝甘露 - 我無食   但無料囉   加加埋埋 d 料都唔知有無兩湯匙蓮子紅豆沙 - 一 d 都唔甜   又無紅豆味   如果 me 埋眼食   真係唔知自己食緊乜架辣椒油 - 係 XO 醬   不過一碟得果小小   要咗 4 碟都唔夠   不過費事再叫 lu里奧大人好細心架   我次次食親辣椒油   佢都會幫我隔哂 d 油先呢

見仲有時間   所以行陣淘大   見到個袋幾靚   所以里奧大人話買   仲話買多個紫色比我家姐添喎   對我地又幾好喎   買完之後行去搭電梯   有個女人向我邊方向叫靚女靚女   原來叫我呀 ( 註 : 依家好多時係唔係都叫靚女   所以我唔會認 )   因為我唔記得拎番張 Credit Card 呀   哎呀   唔係佢比番我   我都唔知幾時先知道自己無咗張卡呀 ~

到戲院時心大心細   因為其實食到好飽架   但覺得睇戲食爆谷先有睇戲 feel   所以最後買杯細嘅自己食   正到爆呀 ~


嘩   呢套戲非常非常之感人細膩呀   真係喊到我呢   睇完戲媽咪打黎我仲喊緊呀   一心以為呢套戲係 d 開開心心戲   原來係咁感人   最正係 d 主角又識做戲   特別係個細路仔   唔作狀  收放自如   話喊就喊   如果個個演員都有咁嘅演技就好喇 ~

睇完戲周圍行   好感恩呀   因為終於買到部 DVD 錄影機   仲送埋貨添   咁就唔駛拎住部機周圍行啦   爽呀 ~

出咗街就唔想番屋企煮飯啦   里奧大人又話想試新嘢   所以走去大埔墟間 " 沙士亞印度餐廳 " 食印度菜   原來呢間嘢係真正印度人開架   落單仲要講英文   我覺得喺大埔好小有囉   不過 d 食物就麻麻地啦   差唔多樣樣食剩一半   好失望呀 ~
食完行陣 Jusco 就番屋企 lu   喊完個人好攰呀   要快 d 番屋企休息先得呢 ~