燒鴨 ( 外賣 ) + 菠菜 + 燕麥炒飯 ( 18-mar-2010 )

( 18-mar-2010 thu )
呢朝又好似好大霧咁   真係令人無乜心機呢   雖然我怕熱   但我都意有陽光   人都精神 d 架   同埋感覺周圍無咁多菌咁呢 ~


幾辛苦先等到 Lunch Time 呀   不過無乜胃口   所以買腸粉算 lu ~


今日有人請食 tea   係中大獎果位同事   點知要 5:25 pm 先有得食   好在我叫 Blueberry Cheese Cake   好快可以食完   不過食完個肚超唔舒服呀 ~
又再幾經辛苦先番到屋企附近超市呀   本來諗住買雞柳脆肉瓜整炒飯   不過個肚陰陰痛   都無乜心機整咁多嘢   求其買燒鴨 + 菠菜算喇   好過唔煮丫   雖然唔係煮 d 乜好嘢 ~
是日懶餐 - 燒鴨 ( 外賣 ) + 菠菜 + 燕麥炒飯
燒鴨 ( 外賣 ) - 平時最唔鍾意里奧大人食燒味飯   所以呢   佢番黎一見到 d 燒鴨就陰陰濕濕笑住話 : 咁同大家樂 d 燒味飯有乜分別   唔好煮嘛   出去仲方便   我無話可說啦   唯有笑笑口唔鬼理佢   又佢發 up 瘋   其實我好想食燒鴨好耐啦   上次唔靚之嘛   點知一食落口就叫哂救命   好鬼羶呀   點解架   我至愛食燒鴨架   依家諗起都有 d 驚呀 ~
菠菜 - $10 / 2 pack   依家覺得菠菜幾好食   好爽口咁呢 ~ 
燕麥炒飯 -  加埋薑粒同魚露一齊炒真係好好味喎 ~