滷水雞翼 + 特辣 XO 醬炒西蘭花 + 薑粒炒飯 + 燉湯包 ( 8-mar-2010 )

( 10-mar-2010 mon )
今朝里奧大人出去幫佢家姐舖頭做嘢   所以我就陪佢去池記食早餐   我算唔話得啦 ~

菇場忙咗陣就 hea 到 lunch   呢 d 寫字樓生活都唔錯   但有嘢忙都唔錯   時間過得快好多   不過最好就星期一至四有 d 嘢做   星期五同六無嘢做都無問題   Holiday Mood 嘛 ~  

食 lunch box 都唔錯   唔駛下下諗食乜   不過就一定要有兩樣餸囉   一樣食多 d   另一樣食小 d   咁食 lunch box 就無咁悶喇   自己覺得 ~ 
今晚就咁煮菜就得 lu   因為尋晚已經整好個餸呢 ~    
是日懶餐 - 滷水雞翼 + 特辣 XO 醬炒西蘭花 + 薑粒炒飯 + 燉湯包
滷水雞翼 - 因為知道星期一實無 mood 煮嘢   所以尋晚整定   隔咗一晚   雞翼非常之非常之入味呀 ~
特辣 XO 醬炒西蘭花 - 用咗 1 湯匙 XO 醬   炒嘅時候聞到好辣   食嘅時候又唔係咁覺   下次再落多 d 先 ~  薑粒炒飯- 好耐無炒飯   其實炒飯真係好好味   但唔可以成日食   其一好熱氣   其二好肥呀 ~ 
燉湯包 - 里奧大人靜靜雞燉架   將個湯包用黎燉   唔係煲喎   我就未聽過湯包用黎燉囉   佢仲好有心機加咗半隻竹絲雞同埋 1 個響螺頭   明明係煲到 8 碗湯   依家燉到 3 碗湯   味道相當之濃呢 ~
今日 8 號   零食物語會員有 8 折   所以又買咗 d 零食番屋企 lu ~