滷水鵝掌翼 - 好大隻好厚肉 好耐無見過咁大隻嘅鵝掌翼 加上里奧大人唔食架 所以我可以獨吞 好滿足呢
鵝片同鵝掌翼嘅底部都係有花生同豆腐呢
白醋 - 點埋白醋一齊食就無咁膩架欖菜肉碎芥蘭粒 - 呢個菜好惹味 不過就油咗小小 估唔到份量都好多喎 我唔知原來欖菜可以炒芥蘭 因為好多都係四季豆 但里奧大人唔鍾意食豆類 所以我見到呢個餸就第一時間同里奧大人講 我會整呢個餸比佢食 佢當堂眼泛淚光好感動呀 噢
方魚肉碎蠔仔粥 x 2 - 都幾足料 最鍾意有 d 脆卜卜嘅方魚
( 6-mar-2010 sat )
今日 OFF 當然瞓到自然醒啦 不過都係慣咗瞓到 10 點左右就自然會起身 同里奧大人食早餐就番屋企梳洗出發去屯門黃金海岸 lu ~
好在唔係等好耐先有車 所以 d 時間比預期中早咗 不過天色時暗時陽光 呢度好多都係 Piazza 但好鬼熱 無乜心機睇嘢同影相呀 ~
行咗陣就去香辣屋食 lunch 坐露天位 好在食嘅時候有風 唔係好熱 但食完就開始有太陽喇 ~
( 食嘅時候唔曬 同埋好好風 感恩 )
印度咖哩牛腩
芝士蒜蓉烤包
( 食完嘅時候就出太陽 感恩 因為我想坐露天 但又怕熱喎 噢 )
同里奧大人走去畫人像畫嘅 Piazza 見到佢畫得都幾似 我地又比佢畫 $150 / 雙人卡通 畫咗 45 分鐘 又唔係坐好耐咁喎 當佢比幅畫我地睇嘅時候 我覺得佢畫得我好似呀 好有福相呀 同埋點解佢會將我身材畫得咁好嘅 哈 ~ 
喺 Piazza 見到八哥袋仔 所以買比家姐 佢超級無敵勁鍾意八哥架 我自己買咗兩隻戒指同髮夾就收手 lu 唉 黃金海岸實在無乜嘢行 所以決定坐 van 出荃灣行下算 lu ~
去到荃灣行陣 Shopping Mall 就去食飯 勁想食潮州菜 所以去咗呢間陳記潮州菜館 食物份量都唔小 味道唔錯 有機會再去 之後番到屋企附近 里奧大人話想食涼粉 所以陪佢食埋先番屋企喇 ~
沒有留言:
發佈留言