椒醬肉 + 腐乳唐生菜 ( 22-mar-2010 )

( 22-mar-2010 mon )

呢朝我陪里奧大人食早餐   佢必定好開心 ( 我覺得 ) ~

番到菇場都只不過係 9:10 am   比我想像中快   依家唔同喺九龍灣咁多嘢行   所以好多同事都喺 9:15 am 前番到   我都無謂太遲喇 ~  

依家想減肥食小 d   所以買咗盒雜錦果麥 + 豆奶   不過撈埋一齊就麻麻地   我唔鍾意 d 林與唔林嘅口感   所以下次會分開食   脆卜卜先好食嘛 ~

話咁快又放工   依家諗定好兩晚嘅餸   入哂喺手機度要買 d 乜嘢   咁就方便好多啦   其實我係記得買乜   但都要 Reminder   咁樣好似穩陣 d   都唔知係好定唔好 ~

番到屋企咋咋淋開機洗衫   再殺入廚房洗洗切切   基本上最快都要一個鐘先可以開飯   不過煮麵就唔駛   所以希望以後一星期其中一餐係食麵 or 米粉   咁樣就無咁辛苦喇 ~

是日晚餐 - 椒醬肉 + 腐乳唐生菜

椒醬肉 - 材料有 $5 豬肉碎 + 2 塊豆腐乾 + 3 隻細青椒 + 10 條菜甫 + 炸花生 + 1 湯匙甜麵醬 + 1/3 湯匙辣豆辦醬 + 1/3 湯匙豆豉   因為驚菜甫好鹹   所以將辣豆辦醬同豆豉減份量   嘩   不得了啦   正到爆燈   里奧大人今晚扒飯食呀 ( 平時佢一啖一啖食架 )   佢仲一路食一路話好惹味   睇得出佢係相當之真心咁樣讚美我   令我好開心呢   辛苦切粒都值得呀 ~

腐乳唐生菜 - 唔記得菜檔阿姐話呢 d 係乜乜唐生菜   話好好食   好爽脆   是但啦   乜都好啦   我買唐生菜係最緊要係唔駛洗咁耐   唔駛淥咁耐就得架啦 ~

襯里奧大人去跑步   我就拖地   徹徹底底咁拖到乾乾淨淨   攰到呢   之後沖完涼就即做腳按摩同睇電視   爽呀 ~