煙三文魚 ( 外賣 ) + 蒿麥冷麵 + 姬松茸螺片湯 + 蘋果沙律 ( 21-mar-2010 )

( 21-mar-2010 sun )

依家多數比自己瞓到自然醒   再食早餐   然後晏晝先番教會   咁樣 d 時間無咁趕   舒服好多呢 ~ 

呢朝又係食完買餸就番屋企執陣嘢   沖完涼諗住番教會   點知無啦啦暈一暈咁要抖抖   咁啱里奧大人又記錯時間   咁趕去到都會遲到   最後都無去 lu ~

抖陣無事   所以就煲湯   咁就唔駛成日心掛掛喇   想做乜都得啦 ~   
因為要去 Jusco 買嘢   所以就同里奧大人去大家樂食 tea   咁樣唔駛行黎行去呀 ~

唔知點解   覺得今日特別 relax   所以食完又想行陣     估唔到又可以買到衫    真係無心去買嘢    反而有收穫   咁都唔錯    買完去 jusco 買餸就番屋企 lu ~
是日懶餐 - 煙三文魚 ( 外賣 ) + 蒿麥冷麵 + 姬松茸螺片湯 + 蘋果沙律
煙三文魚 ( 外賣 ) - 買 pack 細嘅   情願小食多滋味   好過買 pack 大嘅夾硬食哂囉 ~    
蒿麥冷麵 - 晏晝整定架   凍 d 好味 d 咁呢 ~
姬松茸螺片湯 - 湯包黎架   加 $20 豬展   煲兩個鐘搞掂   有湯包真係好方便呀 ~
蘋果沙律 - 呢餐無菜嘛   所以就食沙律喇 ~