糖醋魚柳 + 特辣 XO 醬炒脆肉瓜墨魚丸 ( 23-mar-2010 )

( 23-mar-2010 tue )

今朝好精神呀   因為尋晚瞓得好好呢   加上又有時間食早餐   所以心情十分之靚呀 ~



菇場無嘢做   又周圍搵下食譜   諗定一個星期食譜   咁樣就唔駛日日諗咁辛苦呢 ~ 

今日又帶 lunch box   食完洗碗   上網睇下報紙   好快就一個鐘   如果有個半鐘 lunch 就最好   但肯定唔會有咁嘅事發生囉 ~ 

一早諗定好煮乜   所以就咁去街市買菜就得 lu   我真係好怕行街市   d 人嘅聲浪簡直係震天呀   真係留多陣都會顛架   街市頭有間新開茶餐廳   我喺街市中間聽到有人叫  ( 仲以為有人鬧交 or 搶嘢 )   點知去到原來係間茶餐廳嘅女人   唉   佢間嘢喺正魚檔同菜檔中間   又濕又一陣腥味   應該無乜人願意去食   除非好好食啦   不過見佢無乜生意   應該唔係好囉 ~   

是日晚餐 - 糖醋魚柳 + 特辣 XO 醬炒脆肉瓜墨魚丸

糖醋魚柳 - 第一次整   但唔知點解 "撲" 咗生粉都無脆嘅感覺   好失望   好在個汁好好味咋 ~    

特辣 XO 醬炒脆肉瓜墨魚丸 - 上次一湯匙聞起上黎好辣   點知食落唔辣   點知今次兩湯匙就聞起上黎唔辣   食落就好鬼辣   搞乜鬼 ~ 

呢晚煲咗袪濕茶   希望飲完個人無咁攰   排哂 d 濕毒出黎就好喇   人都輕 d 呀 ~