Shakey's Pizza @ 大埔 ( 4-mar-2010 )

凱撒沙律 - 之前係有 d 煙三文魚架   同埋份量細咗囉

羅宋湯 - 最不知所謂   得半碗咋 ( 好似唔夠分   要 1碗分做兩碗咁 )   同埋都唔知加咗幾多次水   無味架   一生人最飲過最難飲嘅湯   非佢莫屬 ~

辣肉腸芝士 Pizza ( 薄批 ) - 最好味呢個 Pizza   次次食都好好味呢 

鮮茄肉腸長通粉 - 份量小咗 1/3 呀   之前食呢個餐   粉類係要打包架   依家樣樣都細哂   加上無飲個湯   所以今次食得哂呢個長通粉呢 ~  

巨蜂提子特飲 - 會員免費提升到特飲   當然叫個最貴果杯啦
芝士蛋糕 - 食過幾次二人餐   係今次先有咋   定係之前佢地漏咗比呢   因為呢間嘢好多時唔會問妳要唔要   妳唔出聲就等如唔要架喇   好有性格   呢 d 服務態度真係好有問題 ~
( 4-mar-2010 thu )

今朝早餐食炒米粉 + 凍鴛鴦   $14 咋   又係好抵   我好鍾意食粉米粉架   加甜豉油同辣椒油   真係食唔停呢   但呢度無甜豉油   所以我就咁加辣椒醬   不過都好好食呢 ~
 

我 Partner 真係好鬼自私   今日一齊去洗手間   正常明知有人喺妳後面 ( 隔 1 個身位 )   妳開門之後都會用手 hold 住一陣門   等埋人入黎先放手家嘛   佢就咁開就算喎   無 d 禮貌   不過我以為我唔鍾意佢先有咁嘅想法   點知咁啱我同同事一齊出洗手間門口   佢都會 hold 住等埋我先放手啦   哎呀   我 Partner 真係好唔掂呀 ~

晏晝買冬蔭功豬潤米線 ( 中辣 ) $24   我覺得唔平喎   因為無嘢飲   不過味道唔錯   可能辣得滯   食完個胃有 d 唔舒服   噢 ~ 

放工等咗廿分鐘巴士   仲要無得坐   攰到呢   都係同里奧大人出去食算喇 ~ 
因為仲有 Shakey's Pizza 嘅 Cash Coupon   所以就去食啦   唔係間嘢執咗就無得食架喇   我唔係咒佢地架   我地去度得一張枱有人   佢地走咗就再有一枱有人坐   我地走嘅時候得兩枱人咋   包括埋我喎    之後行一陣   差唔多 8 點 15 分   經過見到得 7 張枱咋 ( 其中一張係我走嘅時候仲坐喺度 )  大佬   食飯黃金時間得 7 枱人食喎   其他爆哂   仲唔等執咩   服務又唔係好喎  自己有自己世界咁   點得架 ~