咖哩薯仔魚蛋 + 炒脆肉瓜 ( 14-mar-2010 )

( 14-mar-2010 sun )
今朝瞓到 10 點 45 分   所以同里奧大人食完早餐就行陣番屋企   坐一陣   又搞 lee 搞 lu 咁   之後梳洗就番教會 lu ~
晏晝去熟食中心食炸豬扒麵   坐喺隔離枱嘅男人不知所謂   佢傾電話問人係喺邊度   但就係咁講粗口   講 " 你 xxxx 喺邊呀   你 xxxx  我食緊嘢呀   你 xx   你黎唔黎呀   你 xx  "   哎呀   係咁 xxxx   佢仲衰格到講粗口就特別大聲   扮勁咁   慳 d 啦   無厘家教   失禮死人呀   見到呢 d 人   真係覺得佢樣特別衰   食相都特別衰過人咁架 ~

食完同里奧大人買餸番屋企喇 ~
是日晚餐 - 咖哩薯仔魚蛋 + 炒脆肉瓜
咖哩薯仔魚蛋 - 今次用咗半樽李錦記咖哩醬 ( 因為就過期 )   不過試味嘅時候唔覺有辣味   只係得個鹹味   把幾火   所以加 2 隻指天椒   但再比里奧大人試味嘅時候就覺得好辣喇   我本來想加一隻指天椒架咋   但上次加 1 隻唔辣   所以今次加 2 隻   點知今次 2 隻都好辣喎    咁加咗 1 碗水沖淡 d   不過最後都係好辣   但我好言安慰里奧大人話咪咁啦   天氣潮濕嘛   食辣咖哩會祛濕   今晚個人會好瞓 d 呢 ~ 
炒脆肉瓜- 清清地炒就算喇   中和番咖哩嘅辣 ~ 
呢次嘅咖哩真係好辣   因為我睇電視嘅時候   個胃無啦啦超級痛   我好怕呢種痛   因為係長命痛   所以即刻食胃藥   食完無耐就無事 lu   所以再可以食我至愛嘅 大樹菠蘿喇 ~