甜辣醬炒雜豆雞粒 + 日式雜菜魚餅 ( 12-sep-2010 ) + 跑步

( 12-sep-2010 sun )
呢朝好早起身同媽咪 家姐 姐夫一齊飲茶   佢地估唔到我會到呢   我都話依家咁近   早 d 起身咪早 d 起身囉   一家人見下面傾下計都好丫 ~

飲完茶番屋企洗衫   再等里奧大人醒咗就煮早餐佢食喇 ~


抖陣就番教會   之後里奧大人要番工呀   我陪佢食 lunch   我就番屋企做家務喇 ~


屋企有冷飯 + 今朝食剩嘅五香肉丁   所以整個五香肉丁炒飯   超好味   珍珠米真係好食好多呀 ~


食飽有力喇   熨衫 + 執屋 + 拖地   做完成身汗   真係做跑步機都無咁多汗呀 ~
本來媽咪同我地食晚飯   但又落超大雨   所以唔黎 lu   好在我屋企雪柜有存貨   唔出街買餸都可以煮到一餐飯仔嘅 ~ 
是日懶餐 - 甜辣醬炒雜豆雞粒 + 日式雜菜魚餅
甜辣醬炒雜豆雞粒 - 諗住用鰻魚汁   但都係想清哂 d 甜 + 辣醬   初初驚同 d 味同雜豆唔夾架   但又估唔到 ok 喎 ~   
日式雜菜魚餅 - 係家姐喺公司訂比我嘅   不過煎得唔夠香   唔係仲好味 ~
食飽抖陣又去跑步喇   呢間德藝會都唔錯   有電視睇 ( 不過無聲 )   同埋有我鍾意玩果 d 器械   無咁悶嘛 ~