午餐肉 + 薑粒蛋炒飯 + 油麥菜 + 蕃薯糖水 ( 20-sep-2010 )

( 20-sep-2010 mon )
星期一喇   係攰 d 嘅   通常無乜胃口   今次食奶油多 + 咖啡   今次真係最緊要杯咖啡喇   因為真係要用佢黎提神   好彩佢都發揮到佢嘅作用呢 ~ 


番到菇場忙到震   好似好快就到 lunch 咁   有 lunch box 就最好啦   不過今日食完都想出去行陣   郁下會好 d ~
晏晝 3 號風球又落大雨   放工我都就咁去百佳買菜算喇   去到好多菜都無哂   勁似打 8 號風球咁   乜嘢都比人掃哂   走嘅時候勁樣衰   因為防盜響咗呀   行幾次都響   之後佢地叫我入房   因為想知我擺咗 d 乜嘢喺手袋導致會響   幫我搵個原因出黎   如果唔係去另一 d 有防盜嘅舖頭都會響喎   我地一路搵嘅時候   我聽到一個類似經理嘅講話   住得遠就要快 d 走   因為可能掛 8 號風球   我聽完超開心呀   最後我走嘅時候個防盜都係響   都唔知乜事 ~  
是日懶餐 - 午餐肉 + 薑粒蛋炒飯 + 油麥菜 + 蕃薯糖水
午餐肉 - 呢個午餐肉啱哂打風 feel 啦   其實我真係諗唔到煮乜   所以有罐頭長駐喺屋企絕對係好事 ~ 
薑粒蛋炒飯 - 今次只係用咗 2 粒蒜頭 + 薑 + 1 隻蛋 + 魚露   但食嘅時候好似食緊椒鹽蝦嘅味道   我覺得好好食   好香口呀 ~ 
油麥菜 - 得番菜心同油麥菜咋   尋晚食咗菜心   所以今晚食油麥菜 ~    
蕃薯糖水 - 之前諗住整甜品比媽咪食   但果晚太飽   所以都無整到   今晚想整蕃薯餅架   但都係唔想開火煎   所以整蕃薯糖水   今次整得好好味呀 ~