爭鮮壽司 ( 外賣 ) + 節瓜魚湯 ( 14-sep-2010 )

( 14-sep-2010 tue )
尋晚 10 點半睇睇下電視就瞓着咗   之後入番房瞓喇   我覺得睇住電視覺真係好易瞓得着    特別係賣廣告嘅時候仲特別易瞓着呀 ~ 
今朝飲完杯暖水   之後再食麥片 + 朱古力奶   個肚好脹呀 ~


番到菇場真係攞我命三千   熱到呢   真係搵日要剪頭髮   應該無咁熱 ~ 
11 點幾超餓呀   好耐無試過餓嘅感覺喇   好在仲有一個鐘就 lunch   今日有 lunch box   超正呀 ~ 
終於放工勁開心呀   正想入電梯嘅時候接到里奧大人電話   佢問我食乜餸   我話三色椒炒雞柳   佢話佢唔係咁開心   想出去食   但又唔知想食咩   我話我買咗餸同埋諗住滾湯   佢話滾湯無所謂   但想出去食喎 ~   
上到屋企擔心里奧大人乜事唔開心   但估佢應該係好攰   打番比佢話不如賣壽司番屋企食啦   佢聽完好開心話好喎   噢   我終於明喇   佢係聽到三色椒唔鍾意食   就話唔開心定啦    因為佢話三色椒難消化   我知丫   但三色椒有益嘛   又唔係要妳食哂   我諗住無菜帶飯   先買三色椒當蔬菜咋   真係你想食多都無呀   真係丫 ~  
是日懶餐 - 節瓜魚湯
節瓜魚湯 - 今晚去咗街市買餸   買咗 1 份 ( 2 條 ) 嘅大眼雞   $15 咋   超抵   我好鍾意食大眼雞架   咁我可以成日滾魚湯啦   感恩感恩 ~
呢晚又 10 點半睇睇下電視瞓着咗   咁樣即係我個作息時間應該係 10 點半   咁都好   太夜瞓第朝唔夠精神仲慘   同埋對皮膚唔好先大件事呀 ~