爭鮮迴轉壽司 @ 九龍灣 ( 3-sep-2010 )

( 3-sep-2010 fri )

呢日OFF  不過 8 點半就起咗身 lu  去 KFC 慢慢嘆份早餐   再去超市買嘢就番屋企執嘢喇 ~

番屋企第一時間開機洗衫   之後就好認真執好過廚房   嘩   執完成件衫濕哂   真係做運動都無咁多汗呀   執開有條路   執埋書柜   再沖番個靚涼就同媽咪去飲茶 lu ~
今次試下去稻香   因為我實在太唔鍾意鴻星 d 服務態度呀   11 點幾去到   坐正喺大魚缸隔離   仲要見到幾條大鯇魚   即刻諗起有次去超市買鯇魚   個魚佬即刻轉身拎一條大鯇魚出黎   嚇到我即刻走人唔要   後面兩個師奶就好愕然做乜我走得咁快   佢可能覺得我有新鮮鯇魚都唔要好怪囉   我到依家都唔掂新鮮嘢架   想食就一係去媽咪度   一係出街食   我知道如果比我整   我整完都唔會食   仲會怕咗以為唔敢食呢 ~

呢碗係媽咪煲嘅老黃瓜豬展湯   超甜超好味呀

飲完茶媽咪佢地就上我屋企坐陣   之後我就去大埔交鎖匙比地產喇 ~ 
交完鎖匙都係 4 點   本來諗住去剪髮   感恩里奧大人打黎話可以早走過黎陪我   感恩律師樓可以提早到 6 點簽收   反正有半個鐘   所以我就行商場   買幾條褲就走 lu ~
同里奧大人去大家樂 hea 到 6 點就去律師樓 lu   搞掂哂都係 6 點 20 分   都係番九龍灣先食嘢   點知無啦啦塞車   7 點半先去到九龍灣   唉 ~  
經過爭鮮壽司   睇食評話 d 壽司雖然碟碟 $8   但都好新鮮   咁啱見無人等   所以去試下   估唔到又真係幾新鮮喎   我覺得好味過元綠   同埋 d 刺身都厚身過元綠囉   下次會再食過 ~