煎釀三寶 ( 魚蛋 / 豆腐 / 尖椒 )蘿蔔絲餅沙爹螺肉 / 水魷 / 米粉沙爹螺肉 / 酸齋 / 水餃 / 伊麵
( 6-sep-2010 mon )
今朝本來陪里奧大人食早餐架 不過等咗好耐車都無喎 所以最後都係各自食早餐 lu ~
唔知點解覺得今朝 d 時間過得好快 可能部腦 load 嘢好慢 所以 load load 下都 load 到 12 點幾 晏晝同 8 卦出去食 突然好想食粥 好在依家都有小小小涼風 所以行番到菇場都唔覺熱呢 ~
放工去旺角 PCCW 拎嘢 記錯哂地方 行咗半個鐘頭冤枉路 熱到暈咁滯呀 ~
之後坐巴士番屋企 一上車聽到有個阿叔好大聲好勞氣咁同隔離行嘅阿婆講嘢 我以為佢地係識嘅 後尾發覺又唔似識 因為阿婆合埋眼無理佢 但阿叔仲繼續係咁講 個個人靜哂 咁好明顯阿叔係傻啦 之後聽亞叔係咁講 " 我係阿 Sir 荔枝角 d 人都識我架 ~~ 我有張証 呢張係亞 Sir 先有 妳地要唔要丫 哈哈哈 ~~ 我有兩間屋 一間喺大陸 依家無樓 捐哂喇 衫紐就有 揸波唔駛錢 妳揸唔揸丫 哈哈哈 ~~ 我係龍鳳胎黎架 有個家姐喺台灣 妳估咁易龍鳳胎呀 ~~ 陳祖澤見我窮 話比張証我一世免費坐巴士 我話唔駛啦 咁肉酸 " 我最驚佢講咗呢句 " 我唔係傻架 我都唔知幾正常 " 嘩 我即刻望下佢個袋有無開咗 我驚佢拎把刀出黎斬人呀 好在無開咋 不過我實在大攰 阿婆走咗我坐咗佢個位 但阿婆走咗佢又無再講嘢喎 佢望咗我兩眼 我就合埋眼扮瞓 好在佢無同我講嘢咋 ~
無驚無險落車 突然勁想食煎釀三寶 所以叫里奧大人去食車仔麵喇 ~
沒有留言:
發佈留言