( 18-sep-2010 sat )
今朝同媽咪 家姐飲茶 我覺得自己好似做女咁 因為做女嘅時候 朝朝都會同家姐媽咪一齊食早餐 食完先番工呢 ~
老闆 OFF 番到菇場超勁 free 真係上網上到眼都攰呀 ~
放工約咗家姐去超市買嘢 之後再 join 埋里奧大人去食麥當勞 因為家姐要食兒童套餐換 "滑嘟嘟" ~
放工約咗家姐去超市買嘢 之後再 join 埋里奧大人去食麥當勞 因為家姐要食兒童套餐換 "滑嘟嘟" ~
食嘢嘅時候 媽咪打黎話比人地架輪椅撞親隻腳 好在已經到咗我屋企附近 里奧大人就即刻出去扶媽咪上屋企 之後我地都打包食物番屋企 上次醫生教媽咪 如果撞到 就即刻敷 冰同埋舉高隻腳 好感恩 因為我諗住整冷麵 所以有好多冰咋 ~
頭先睇到里奧大人二話不說衝出去扶媽咪上屋企 又幫手包冰 又 set 好個位媽咪坐 又出去買藥膏 我覺得里奧大人對媽咪好好呀 好細心 真係令我係好感動呀 好感恩有呢位咁細心嘅好老公呀 ~
搞咗成個鐘 感恩媽咪隻腳無腫 如果唔係就要入院架喇 唔想拖呀 ~
就喺呢個鐘頭裡面 我要去冷靜一下 唔係我會發顛鬧人 所以就去煮冷麵同焗豬肉乾喇 ~
差唔多 3 點幾就開始打牌 打到 7 點幾 里奧大人就出門同朋友食飯 好在工人喺我地打牌嘅時候煮定嘢 咁我地就好快可以開餐喇 ~
是日晚餐 - 煙三文魚 + 冷麵 + 餃子 + 五香肉丁炒年糕 + 皮蛋酸薑
煙三文魚 - 係家姐之前訂比我架 佢地 d 同事成日訂日本嘢 平過出面好多架 ~
冷麵 - 晏晝整定 雪幾個鐘都夠哂凍 ~
餃子 - 又係家姐訂比我架 不過如果煎得脆邊就更好 ~
五香肉丁炒年糕 - 家姐想食年糕 但今次我買嘅年糕一 d 都唔煙韌 激得氣 ~
皮蛋酸薑 - 好似無乜嘢食咁 所以整個皮蛋酸薑 佢地好鍾意食 媽咪仲問 d 酸薑係咪我醃 我有鬼咁叻咩 ~
食完我就焗叉燒比媽咪拎番屋企 即場比佢試 佢話勁似出面食嘅叉燒 同埋今次 d 五花腩真係好靚 諗番起買五花腩嘅時候 我同豬肉佬講話係用黎整叉燒 佢兩眼閃閃咁話 : 好叻呀 叉燒都識整 " 我話我用叉燒醬醃 之後焗之嘛 有幾難喎 ~
送埋媽咪坐車就同家姐行超市買嘢 行咗 1 個鐘 同家姐行超市最開心 計下度下咁 里奧大人唔係架 佢一入到去就去買要買嘅嘢 買完就走 所以唔鍾意同佢行 家姐就唔同 因為佢會幫我計 同埋最好就係可以 share 咁唔駛樣樣要買咁多嘛 我真係唔想屋企擺咁多嘢囉 ~
沒有留言:
發佈留言