焗叉燒 + 江魚仔炒飯 + 菠菜 ( 7-nov-2010 ) + 卜短聚 流浪影子

( 7-nov-2010 sun )
今朝食完早餐就番教會喇   之後再去超市買菜就番屋企   買定就唔駛咁趕呢 ~   
( 覺得呢張好似 placemat 咁呀 )

里奧大人又要做功課   所以我晏晝就同影子 小寶去 UCC 食 tea 喇   佢地今晚走架喇   諗住去機場前再聚一聚呢   所以得個半鐘咋   真係唔多夠   唔知幾時可以再見到佢地呢 ~  

噢   分離果刻真係好唔捨得   但我又唔敢大喊喎   我驚人地以為我發生咩事呀   好在依家科技咁發達   喺網上可以成日見到面   大家嘅距離又會變番相當之近呢   呵呵 ~
去埋舖頭拎衫就番屋企   都差唔多 6 點喇   係時候預備晚餐喇 ~ 
是日懶餐 - 焗叉燒 + 江魚仔炒飯 +  菠菜
焗叉燒 - 今次整得又係唔錯呀   但其實焗叉燒都要好多時間咁   我次次用鍚紙包住去焗   都好似幾世都未得咁   所以我次次都無咁做   下次真係跟住食譜做好 d ~
菠菜 - 食食下嘅時候   里奧大人好似啃親   之後話唔鍾意食菠菜   我正想鬧佢之際   突然醒起我無切開 d 菜   成條咁食真係好易啃親   因為我覺得菠菜都幾難咬斷   所以都無話佢   算佢有運行 ~